गण्डक न्यूज, पोखरा । पोखरामा जलश्रोत विज्ञका रुपमा चिनिने डा. गोपाल शिवाकोटी (चिन्तन) ठगी आरोपमा काठमाण्डौमा पक्राउ परेका छन् । पृथ्वीनारायण (पिएन) क्याम्पस पोखराका सहप्रध्यापक चिन्तनलाई महानगरीय प्रहरी परिसर काठमाडौंले २ करोड ७६ लाख रुपैयाँ भन्दा बढी ठगी गरेको पाइएपछि पक्राउ गरिएको प्रहरीले जनाएको छ।
सहप्राध्यापक शिवाकोटीलगायतले कानुन विश्वविद्यालय खोल्ने भन्दै २ करोड ७६ लाख ठगी गरेको बुझिएको छ । कीर्तिपुर बस्दै आएका चिन्तनलाई प्रहरीले मंगलबार उनको घरबाट नियन्त्रणमा लिएर ठगी मुद्दामा अनुसन्धान भइरहेको प्रहरीले बताएको छ । शिवाकोटीसँगै नुवाकोटका बद्रिकुमार थापा पनि पक्राउ परेका छन्। थापा बाँनियाटारबाट पक्राउ परेका हुन् ।
उनीहरु मिलेर ६६ जना भन्दा बढी व्यक्तिलाई ठगी गरेको पाइएको महानगरीय प्रहरी परिसर काठमाडौंका एसएसपी बसन्त लामाले बताएका छन् । शिवाकोटीको समूहले मञ्जुश्री एजुकेसन एकेडेमी प्रालिको नाममा कानुन विश्वविद्यालय स्थापना गर्ने भन्दै ठगी गरेको प्रहरीले जनाएको छ।
गोपाल शिवाकोटी ‘चिन्तन’ले लामो समय नेपाल ल क्याम्पस काठमाडौंमा प्रध्यापन गरेका थिए । उनले कानुनमै अमेरिकाबाट एल.एल.एम र पिएचडी समेत गरेका हुन् । अन्तर्राष्ट्रिय कानुन र मानव अधिकारको विज्ञका रुपमा उनलाई चिनिन्छ । पूर्व न्यायाधीशहरु र दर्जनौं कानुन व्यवसायीहरुलाई ठगी गरेको प्रहरीको प्रारम्भिक अनुसन्धानबाट खुलेको प्रहरीले जनाएको छ ।
सम्बन्धित खबर
नेपालमै पहिलो पटक पोखरामा इन्टरनेशनल बलुन फेस्टिभल हुने
कास्की जिल्ला शुटिङ संघको अध्यक्षमा राजु श्रेष्ठ
रूपा रिङरोड दोस्रो खण्डको शिलान्यास, ४७ करोडमा बन्ने
हिसान कास्की अध्यक्षमा हिल पोइन्टका दिवाकर, सचिवमा प्रतिभाका किरण
गण्डकीका भौतिक पूर्वाधार मन्त्री केसीले गरे चौर अम्बोट झोलुङ्गे पुलको उद्घाटन
शान्ति निकेतनका विद्यार्थीले मनाए विज्ञान दिवस
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग