तनहुँ । नेपाल मगर विद्यार्थी संघ तनहुँको आयोजनामा आइतबारदेखि दमौलीमा छैटौं लखन स्मृति कप सुरु भएको हो ।

प्रतियोगिताको तेस्रो दिन चार खेल सम्पन्न भएको छ । मंगलबार पराशर कलेज (ए) र आदिकवि कलेज (बि) बिच भएको पहिलो खेलमा आदिकवि कलेज (बि) २-० गोलअन्तरले बिजयी भएको छ । त्यस्तै बाराही कलेज (ए) र पराशर कलेज (बि) बीच भएको दोस्रो खेलमा १-० गोलअन्तरले पराशर कलेज (बि) बिजयी भएको छ ।

त्यसैगरि दमौली कलेज र बाराही कलेज (बि) बीच भएको तेस्रो खेलमा २-१ गोलअन्तरले दमौली कलेज बिजयी भएको छ । त्यस्तै मंगलबार जनज्योति मावि भिमाद र मिन मावि थर्पु बीच भएको अन्तिम खेलमा २-१ गोलअन्तरले मिन मावि थर्पु बिजयी भएको खेल संयोजक अनिल थापा मगरले जानकारी दिए । बुधबार सेमिफाइनलका ३ वटा खेल हुने आयोजकले जनाएको छ ।

नेपालका प्रथम सहिद लखन थापा मगरको १४२औं स्मृति दिवसको अवसरमा उक्त प्रतियोगिता आयोजना गरिएको हो । नेपाल मगर विद्यार्थी संघ तनहुँको आयोजनामा अन्तर कलेज सेभेन ए साइड खुल्ला छैटौं लखन स्मृति कप सुरु भएको हो । नेपालका प्रथम सहिद लखन थापा लाई सम्मान दिलाउन र खेलको माध्यमबाट राज्यलाई रचनात्मक दबाब दिन सो प्रतियोगिता गरिएको आयोजकले जनाएक छन ।

माघ २७ गते आइतबारदेखि सुरु भएको खेल फागुन २ गते सम्म जारी रहने छ । प्रतियोगितामा प्रथम हुने टिमले नगद २५ हजार ५५५ र दोस्रो हुने टिमले १५ हजार ५५५ सहित ट्रफी, मेडल र प्रमाणपत्र प्राप्त गर्नेछन । जिल्लाका विभिन्न कलेजका १४ वटा टिमले प्रतियोगितामा सहभागीता जनाएको खेल संयोजक अनिल थापा मगरले जानकारी दिए । प्रतियोगितामा बेस्ट प्लेयर, बेस्ट स्कोरर, बेस्ट किपर लाई समेत ट्रफी र मेडल दिइने खेल संयोजक मगरले जानकारी दिए ।