पोखरा । लिग बिजेता मनाङ मस्र्याङ्दीलाई हराउँदै क्यामरुनको डफिन्स मनकामना केबलकार पोखरा कप फुटबलको फाईनलमा प्रवेश गरेको छ । मनाङलाई सडनडेथमा पराजित गर्दै क्यामरुनको डफिन्स उपाधी नजिक पुगेको हो ।
निर्धारित समय र थपिएका अतिरिक्त समयको खेल १–१ गोलको बराबरीमा सकिएपछि निर्णय टाईब्रेकरमा पुगेको खेल अन्ततः सडनडेथमा डफिन्स भाग्मानी बन्दै फाइनलमा स्थान शुरक्षित ग¥यो ।
टाइव्रेकरमा क्यामरुनका लागि विइक, प्रिसन दाजंगा, अरियल इनामे, यान्निक ओवना, जो अनुगुलाले गोल गरे भने सिलो म्याट्रिको प्रहार बाहिरिएको थियो । यता मनाङका लागि सुजल श्रेष्ठ, अन्जन विष्ट, कमल श्रेष्ठ र हेमन गुरुङको पेनाल्टी प्रहार सफल रह्यो तर सुरज विश्वकर्माको प्रहार पोलमा लाग्दै बाहिरियो भने विमल रानाको पेनाल्टी बाहिरियो ।
निर्धारित समयमा खेलको ६६ मिनेटमा मनाङका कमल श्रेष्ठको आत्मघाति गोलले डफिन्सले खेलमा अग्रता बनाएको थियो । खेलको ८१ मिनेटमा मनाङका लागि विदेशी खेलाडी आफिज ओलावालेले उत्कृष्ट हेडिङ गोल गरे । अन्जन विष्टले मिलाएको हेड बलमा ओलावालले दोश्रो पटकको हेड गोल गोलमा परिणत भएको थियो ।
डफिन्सका विइक खेलको म्यान अफ दि म्याच घोषित भए । उनलाई पूर्व मन्त्री एवम समाजसेबी उत्तम पूनले नगद ५ हजारका साथमा ट्रफी प्रदान गरेका थिए । सोही कार्यक्रममा पूर्व मन्त्रि पूनले आयोजक एन्फा कास्कीलाई नगद ५० हजार प्रदान गर्ने घोषणा गरे ।
आइतबार डफिन्स र शसस्त्र प्रहरी बलको एपिएफ क्लबका विच फाइनल खेल हुने आयोजक एन्फा कास्कीले जनाएको छ ।
सम्बन्धित खबर
दोस्रो संस्करणको स्याङ्जा क्रिकेट लिगको उपाधि गल्याङलाई
पत्रकार त्रिभुवन पौडेलको स्मृतिमा फागुन १६ देखि पुम्दीभुम्दीमा त्रिभुवन स्मृति कप हुने
पोखरामा फोहोर संकलन दौड प्रतियोगिता, सौगात र सक्षमको जोडीले जित्यो ५० हजार
हिसान गण्डकी फुटसलको उपाधि गुरुकुल विद्यासदन र इन्फोम्याटिक्सलाई
जुनियर खुल्ला राष्ट्रिय जुडो प्रतियोगिता– २०८१ फागुन ९ र १० मा हुने
घान्द्रुक किम्चेलाई पराजित गर्दै ठकुरी समाजले जित्यो सिधिङ भलिबलको उपाधि
यो पनि पढौँ
पोखरामा जीपको ठक्करबाट आमाको मृत्यु, छोरा गम्भीर घाइते
कुम्भ मेलाबाट फर्किँदै गर्दा नेपाली सवार गाडी दुर्घटना, रुपन्देहीका ३ जनाको मृत्यु
विराट चक्र विज्ञान पोखरा रंगशालामा नहुने
पोखरा लेकसाइडमा २० औं फेवा महोत्सव हुने