तनहुँ । तनहुँको आबुखैरेनी गाउँपालिका–६ जालभञ्ज्याङबाट बन्दीपुर(५ झारगाउँ तर्फ जाँदै गरेको ग २ च ३२७० नम्बरको जिप जालभञ्ज्याङमा बुधबार साँझ ६स्५५ बजे दुर्घटना हुँदा दुई जनाको मृत्यु भएको छ ।

मृत्यु हुनेमा बन्दीपुर गाउँपालिका–५ का ५० वर्षीया भीमकुमारी गुरुङ र सोही ठाउँका ५० वर्षीय मनबहादुर गुरुङ रहेको जिल्ला प्रहरी कार्यालय तनहुँले जनाएको छ । उनीहरुको बन्दीपुर अस्पतालमा उपचारका क्रममा मृत्यु भएको प्रहरीले जनाएको छ ।

जिप सडकबाट ५० मिटर तल खस्दा दुर्घटना भएको जिल्ला प्रहरी कार्यालय तनहुँले जानकारी दिएको छ । दुर्घटनामा बन्दीपुर गाउँपालिका–५ कै ४५ वर्षीया चिजामाया गुरुङ, सोही ठाउँका ६० वर्षीया हरिमाया गुरुङ, ६० वर्षीया धनमाया गुरुङ, ५१ वर्षीया कमली गुरुङ र जीप चालक सोही ठाउँका २५ वर्षीय विर्खबहादुर गुरुङ घाइते भएका छन् । ३ जना गम्भीर घाइतेहरुलाई उपचारका लागि पोखरा स्थित गण्डकी मेडिकल कलेज लगिएको प्रहरीले जनाएको छ ।