इटहरी–तीन महिनाअघिदेखि पालै पालो करणी गर्दै आएकी किशोरी गर्भवती भएपछि कर्तुत लुकाउन तीन जना मिलेर किशोरीको हत्या गरेका प्रहरीले खुलासा गरेको छ ।

इटहरी तरहराकी १५ बर्षिया बालिका रुपमति दासको आईतवार सिंघिया खोला किनारामा नग्न अवस्थामा शव भेटिएपछि पक्राउ परेका शंकास्पद अभियुक्तहरुमध्ये तीन जनाले अपराध स्वीकार गरेका प्रहरीले जनाएको छ ।
गरिव परिवारमा जन्मिएकी ती बालिकाका अभिभावक गत शनिवार राति छिमेकीको घरमा टिभी हेर्न गएर फर्केर आउँदा उनी घरमा थिईनन । भोलिपल्ट विहान हत्या गरिएको अवस्थामा खोला किनारामा भेटिएकी थिईन ।

प्रहरीका अनुसार तीन अभियुक्तले कात्र्तिकको अन्तिम सातादेखि वालिकालाई फकाएर छुट्टा छुट्टै स्थानमा लगेर वलात्कार गरेका थिए । शुरुमा एक अभियुक्तले करणी गरेको कुरा अन्य दुई साथिलाई वताएपछि उनीहरुले पनि पोल खोलिदिने धम्कि दिदै करणी गर्दै आएको हुनसक्ने प्रहरीको अनुमान छ ।

प्रहरी निरीक्षक बुद्धि चौलागाईले घटना वारे थप अनुसन्धान शुरु गरिएको वताए । । प्रहरीले हत्यामा संलग्नको आशंकामा आइतबार र सोमबार गरी १० जनालाई नियन्त्रणमा लिएको थियो । बालिकाको शव भेटिएपछि मोरङ प्रहरी र प्रदेश १ प्रहरी कार्यालय विराटनगरले छुट्टाछुट्टै अनुसन्धान गरेको छ । शव भेटिएको स्थान विराटनगर महानगरपालिका ८ र कटहरी गाउँपालिका २ को सीमा क्षेत्रमा पर्छ । दुबैतर्फ बस्ती पातलो छ ।