किरण श्रेष्ठ, तनहुँ । नेपाली कांग्रेसका केन्द्रिय सभापति शेर बहादुर देउवाले कांग्रेस भित्र अनुशानहिनता बढेको बताएका छन । नेपाली काँग्रेस जिल्ला कार्यसमिति तनहुँले आइतबार दमौलीमा आयोजना गरेको एक कार्यक्रममा उनले सो कुरा बताएका हुन ।

कांग्रेस तनहुँको पार्टि कार्यालयमा आयोजित सभा लाई सम्वोधन गर्दै उनले कार्यकर्ता लाई अब एक भई लाग्न अनुरोध गरेका छन । चुनावमा आफ्नो पार्टीले हारे पनि निराश नभएको उनले बताए । सबै कांग्रेसजन एकजुट भएर अगाडि बढ्नु पर्ने उनले बताए । “देश भरि नै अहिले छाडातन्त्र बढेको छ”, देउवाले भने । कांग्रेसले सबै जातजाति लाई आरक्षण दिएको सभापति देउवाले बताए । पार्टिमा ३३ प्रतिशत महिला सदस्य भए मात्रै ३३ प्रतिशत महिला अधिकारको कुरा गर्नुपर्ने उनको भनाइ भनाइ दिए । सबै जना एकबद्ध भएर लागेमा पार्टिले कुनैपनि हालतमा नहार्ने उनले बताए ।

विशेष अधिवेशनले कसैलाई फाइदा हुदैन

तनहुँ कांग्रेसबाट असन्तुष्ट रहेका गोविन्द राज जोशी पक्षधरले यहि माघ ८ गते तनहुँमा विशेष अधिवेशन गर्दैछ । उक्त विषय लाई लिएर सभापति देउवाले सो अधिवेशनले पार्टि र कसैलाई पनि फाईदा नहुने उनले बताए । सबै नेता कार्यकर्ताहरु आ आफ्नो अनुशानमा बस्नुपर्ने उनले बताएका थिए । पार्टिका कुनै पनि सदस्यहरु लाई अन्याय भएको भए पार्टीले हेरेर समाधान गर्ने उनले बताए । गुट उपगुट भन्दा पनि सबै जना एकजुट भएर लाग्नुपर्नेमा उनको जोड थियो ।

“तनहुँ कांग्रेस पार्टिका लागि लडेको जिल्ल्ला हो र तनहुँ कांग्रेसको किल्ला नै हो”, देउवाले भने । सरकारले तनहुँको शुक्लागण्डकी नगरपालिका वडा नम्बर-५ स्थित नेपालकै एकमात्र स्वासप्रस्वास उपचार केन्द्र जिपि कोईराला राष्ट्रिय स्वासप्रस्वास उपचार केन्द्रलाई सङ्घीय सरकारको मातहतका अस्पतालको सूचीबाट हटाउने निर्णयकाे सभापति देउवालेले गम्भिर आपत्ति जनाएका छन् । महान व्यक्तिको नाममा स्थापना भएको अस्पताल तथा संघ सरकारले खारेज गर्न खोज्नु मुर्ख्याइपुर्ण काम भएको देउवाले बताए ।

देशमा हत्या हिँसा र बलात्कारको घटना दिनदिनै बढ्दै गइरहेको र अहिलेको सरकारले नै अपराधिक क्रियाकलापमा संलग्न त्यस्ता व्यक्ति लाई आरक्षण दिएर राखेको देउवाले बताए । सरकारले कर बढाएर जनता लाई दुख दिएको उनको भनाइ थियो ।

हारको कारण आन्तरिक झगडा : महामन्त्री कोइराला

नेपाली काङ्ग्रेसले गत सम्पन्न निर्वाचनमा हार व्यहोर्नुको एक मुख्य कारण पार्टी भित्रको आन्तरिक झगडा भएको काङ्ग्रेस महामन्त्री शसांक कोइरालाले बताए । कार्यकर्ता भेटघाट कार्यक्रममा अब पनि काङ्ग्रेस एकबद्ध भएर अगाडि नबढे ठुलो दुर्घटना हुने उनले बताए । नेपाली काङ्ग्रेस पार्टीको विधानले नदिने कुरा विशेष अधिवेशन हुन नसक्ने कोइरालाले बताए । असन्तुष्ट गुठ लाई पनि बोलाएर वार्ता बाट समस्या समाधान गर्नुपर्ने उनको भनाइ थियो । यसो नभएको खण्डमा पार्टी व्यथितीमा पुग्ने उनले बताए । विशेष अधिवेशनको तयारी नगर्न अनुरोध गर्दै वार्तामा आउन उनले जोशी पक्षलाई अनुरोध गरेका छ्न ।

विधि र विधान अनुसार चल्नुपर्छ : श्रेष्ठ

पार्टी विधि र विधान अनुसार चल्नुपर्ने नेपाली काङ्ग्रेसका केन्द्रिय सदस्य गोपालमान श्रेष्ठले बताए । श्रेष्ठले पार्टीमा भागबन्डाको अन्त्य गरि योग्य व्यक्ति लाई सहि पद दिनुपर्ने बताए । काङ्ग्रेसको विधि र विधान अनुसार नचल्ने वा नमान्ने लाई कारवाही हुनुपर्ने बताए ।

गुटबन्दीको अन्त्य गरौं : पुर्वमन्त्री महत

नेपाली काङ्ग्रेसमा गुटबन्दीको अन्त्य हुनुपर्ने केन्द्रिय सदस्य एवं पुर्वमन्त्री रामशरण महतले बताए । उनले पहिलेको कमि कमजोरी सुधार गर्दै अब एकबद्ध भइ अघि बढ्न अनुरोध गरेका छ्न । व्यक्तिवादको अन्त्य काङ्ग्रेस भित्र हुनुपर्छ महतले भने । विधि अनुसार काम हुनुपर्ने उनले बताए । काङ्ग्रेस भनेको विधिको शासनमा विश्वास गर्ने पार्टी हो महतले भने । विधि लाई नाघेर कुनैपनि काम गर्नुहुदैन र नगर्ने विश्वास लिएको महतले बताए ।

विशेष अधिवेशन वैधानिक हुदैन : पुर्वमन्त्री भण्डारी

तनहुँ काङ्ग्रेस बाट असन्तुष्ट रहेका समुहले गर्न लागेको विशेष अधिवेशन वैधानिक नहुने नेपाली काङ्ग्रेसका केन्द्रिय सदस्य एवं पुर्वमन्त्री शंकर भण्डारीले बताए ।

सबै पक्ष पार्टीमा समेटिनुपर्छ भण्डारीले बताए । गुनासो के छ, अन्याय के के छ्न ती सबै कुरा पार्टीमा छ्लफल हुन जरुरी छ । पार्टीको विधान विधि भित्र रहेर काङ्ग्रेस लाई सुधार गर्नु पर्छ अनि मात्र व्यक्ति आफ्नो सोच्नु पर्छ । पार्टीको पद्धति अनुसार चल्न नसके पार्टी कुन दिशामा जान्छ त्यो थाहा नहुन सक्छ उनले भने ।

न्यायको क्षेत्रमा नाङ्गो हस्तक्षप गर्दै अहिले सरकारले ताण्डव नृत्य मच्याइरहेको भण्डारीले बताए । तनहुँको ६ वटै सिट काङ्ग्रेसले हार्नुको पछाडीको कारण के हुन त्यो छ्लफल हुन जरुरी छ । गम्भीर समिक्षा गरिरहेको र गर्ने उनले बताए ।

पार्टीको विधान विपरीत जानेलाई कारबाही हुनुपर्छ : पौडेल

पार्टीको विधान विपरीत जाने लाई कारबाही हुनुपर्ने नेपाली काङ्ग्रेसका केन्द्रिय सदस्य युवा नेता प्रदिप पौडेलले बताए । आन्तरिक प्रतिस्पर्धा व्यस्त हुदा पार्टी अगाडि बढ्न नसकेको पौडेए बताए । लोकतन्त्रको पक्षमा तनहुँबासी अझै छ त्यसले अहिले पनि सबैको सहयोग जारी छ । “पार्टी विधानले चल्ने हो त्यसैले पहिले व्यक्ति होइन पार्टी बारे सोच्नुपर्छ”, पौडेल । कमि कमजोरी भएका छन त्यसलाई सच्याउन जरुरी रहेको पौडेलले बताए । पौडेलले भने आफै आफैमा लडे अरु पार्टी संग लड्न सक्दैनौ हामीले त्यसैले अब सचिन्नु जरुरत रहेको छ काङ्ग्रेस ।

सिद्धान्त र निति विपरीत विशेष अधिवेशन : वाग्ले

नेपाली काङ्ग्रेसको सिद्धान्त र निति भन्दा विपरीत गोविन्द राज जोशी पक्षले विशेष अधिवेशन गर्न लागेको नेपाली काङ्ग्रेसका केन्द्रिय सदस्य धुर्व वाग्लेले बताए । नेकपाको कार्यकर्ताको भिड देखाएर जोशीले विशेष अधिवेशन गर्न लागेको उनले बताए । पार्टीको निति भन्दा बाहिर जाने लाई कारबाही गर्नुपर्छ वाग्लेले भने । कार्यकर्ताको मन दुखेसो छ सबैको गुनासो सुनिनु पर्छ । यो अधिवेशन वैधानिक नहुने उनले बताए ।

विशेष अधिवेशन पार्टी विधान लाई चुनौती : सभापति न्यौपाने

गोविन्द राज जोशी पक्षले गर्न लागेको विशेष अधिवेशनले नेपाली काङ्ग्रेस पार्टीको विधान लाई चुनौती दिएको नेपाली काङ्ग्रेस तनहुँका सभापति वैकुण्ठ न्यौपानेले बताए ।

पार्टीको विधान लाई छलेर अघि बढ्ने प्रक्रिया तनहुँ बाट सुरुवात भइ देशैभर फैलिन सक्छ त्यसैले समयमै ध्यान पुर्याउनु जरुरी रहेको उनले बताए ।