महेन्द्र जिसी, पर्वत– म्याग्दीकाे बेनीबाट नारायणगढतर्फ जाँदै गरेको ग१ख ६१०८ नम्बरकाे यात्रुवाहक बस पर्वतको मालढुंगामा दुर्घटना हुँदा मृत्यु हुनेकाे संख्या ७ पुगेकाे छ । दुर्घटनामा मृत्यु हुनेमा ५ जनाको सनाखत भएको छ ।
बिहान आठ बजेतिर भएको दुर्घटनामा परी म्याग्दी पाखापानी २ का राजेश पुन र पर्वत जलजलाकी ३२ बर्षिया बिसमाया पुनको घटनास्थलमै मृत्यु भएको थियो । पर्वतको जलजला गाउँपालिका वडा नं. ८ का एकै परिवारका टिके परियार र उनकी श्रीमती सेती परियार र बाग्लुङ्ग नगरपालिका ४ कुडुलेकी शान्ति केसी रहेकी छन् ।
दुर्घटनामा १७ जना गम्भीर घाइते भएका छन । बस सडकबाट तल खसेर ठूला ठूला ढुंगामा ठोक्किँदै तल झरेका कारण गम्भीर घाइते हुनेको संख्या बढी भएको प्रहरी नायब उपरिक्षक भुवनेश्वर तिवारीले जानकारी दिए । बस सडकबाट कालीगण्डकी किनारमा पुगेको छ ।

गम्भीर घाइते ४ जनालाई हेलिकप्टरबाट थप उपचारका लागि पोखरा पठाइएको छ भने थप घाइतेलाई पठाउनका लागि हेलिकप्टर मगाइएको छ । पोखरा तर्फ २० जना यात्रु पठाइएको छ । अन्य घाइतेहरुको बागलुङ्ग अस्पतालमा उपचार भैरहेको छ ।
धवलागिरी बस व्यवसायी समितिद्वारा संचालित बस पोखरा वाग्लुङ्ग राजमार्गको मालढुंगाको पुलभन्दा माथिको भीरवाट कालिगण्डकी तिर नजिकै पल्टिएको थियो । बस कुच्चिएर क्षतिग्रस्त बनेको छ ।
सुकुम्वासी बस्ती नजिकै बस दुर्घटनामा परेपछि स्थानीयबासी र प्रहरीले घाईतेको उद्वार गरेका थिए ।
सम्बन्धित खबर
पुतलीबजार मेयर कपको उपाधि वडा ७ र १२ लाई
बागलुङमा ८० वर्षीय वृद्धले आफ्नै शरीरमा पेट्रोल खन्याएर लगाए आगो
लमजुङमा नुहाउने क्रममा खोलामा डुबेर ५ वर्षीया बालिकाको मृत्यु
मुस्ताङमा ३४ बोरा अवैध शालिग्राम बरामद
बागलुङमा जिप दुर्घटना हुँदा १० जना घाइते
नयाँ वर्षमा स्नान गर्न पुगेकी एक महिला कालीगण्डकीमा बेपत्ता
यो पनि पढौँ
पोखरामा पेट्रोल पम्प जोडिएको घरमा लागेको आगो समयमै निभाउँदा ठूलो क्षति टर्यो
पोखरा पृथ्वीचोकमा ट्रकले ठक्कर दिँदा स्कुटरमा सवार शिवराजको मृत्यु
गण्डकी र लुम्बिनी जोड्ने पक्की पुल निर्माण
सङ्खुवासभामा लेक लागेर तनहुँका डाक्टर सिग्देलको मृत्यु