तनहुँ । तनहुँको व्यास नगरपालिका वडा नम्बर ११ बोर्धन सेरामा रोट्रयाक्ट क्लबले शैक्षिक सामाग्री वितरण गरेको छ । रोट्रयाक्ट क्लब अफ दमौली र रोट्रयाक्ट क्लब अफ मनोहराले संयुक्त रुपमा जाडोमा विद्यार्थीलाई स्विटर र झोला संगै शैक्षिक सामाग्री वितरण गरेको हो ।
सेराको श्री तातोपानि प्राथमिक विद्यालयका २६ जना विद्यार्थीहरु लाई उक्त शैक्षिक सामाग्री वितरण गरिएको हो ।रोट्रयाक्ट क्लब अफ दमौलीले आफ्नो ट्विन क्लब रोट्रयाक्ट क्लब अफ मनोहरा संग पहिलो पटक कार्यक्रम गरेको रोट्रयाक्ट क्लब अफ दमौलीका सचिव एवं कार्यक्रमका संयोजक सुशान्त अधिकारीले जानकारी दिए ।
कार्यक्रममा विद्यालयका २६ जना विद्यार्थीहरु लाई स्विटर, झोला र स्टेशनरी सामाग्री वितरण गरिएको थियो । कार्यक्रमको अध्यक्षता रोट्रयाक्ट क्लब अफ दमौलीका अध्यक्ष विपिन श्रेष्ठ र रोट्रयाक्ट क्लब अफ मनोहराका अध्यक्ष बिपेन्द्र बस्नेतले संयुक्त रुपमा गरेका थिए ।
उक्त कार्यक्रममा रोट्रयाक्ट क्लब अफ दमौलीका निवर्तमान अध्यक्ष शिखर लाल डोटेल, रोट्रयाक्ट क्लब अफ मनोहराका निवर्तमान अध्यक्ष विकास खड्का, विद्यालयकी प्राधानाध्यापक शान्ता देवी सेढाई, विद्यालय व्यवस्थापन समितिका अध्यक्ष चित्र बहादुर आले, पिटिएका अध्यक्ष डिल बहादुर रिमाल आदिले शुभकामाना मन्तव्य व्यक्त गरेका थिए ।
सदरमुकाम दमौली नजिक भएपनि आर्थिक अवस्था कमजोर भएका परिवारका बालबालिका पढ्ने विद्यालय भएकोले उक्त शैक्षिक सामाग्री वितरण गरिएको क्लबले जनाएको छ ।
स्वार्थ भन्दा माथि सेवा भन्ने नाराका साथ रोट्रयाक्ट क्लब अफ दमौली र मनोहराले संयुक्त रुपमा जाडोमा विद्यार्थीलाई स्विटर र झोला वितरण गरेको रोट्रयाक्ट क्लब अफ दमौलीका अध्यक्ष विपिन श्रेष्ठले बताए । कार्यक्रममा स्वागत क्लबका आगामि वर्षका अध्यक्ष मनोज राउतले गरेका थिए भने संचालन क्लबका कोषाध्यक्ष राज श्रेष्ठले गरेका थिए ।
सम्बन्धित खबर
स्वास्थ्य क्षेत्रमा गण्डकी प्रदेश अब्बल बनाउनेतर्फ सरकारको ध्यान केन्द्रीतः मन्त्री पाठक
छाब्दीवाराही मन्दिर: धार्मिक गन्तव्यस्थल
तनहुँको ऋषिङमा जनप्रतिनिधिको बैठक भत्ताले ११ विद्यालयमा अक्षयकोष
तनहुँको भीमादमा आफैले ढालेको रूखले च्यापेर मृत्यु
तनहुँबाट लागु औषधसहित युवक पक्राउ
तनहुँमा दुई दुर्घटना [अपडेट]: मोटरसाइकल चालकको मृत्यु, बस खस्दा ११ घाइते
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग