तनहुँ । नेपाल पत्रकार महासङ्घका अध्यक्ष गोविन्द आचार्यले पत्रकारिता पेशामा क्रियाशील नरहेका महासंघका सदस्यहरु लाई बिदाइ गर्ने निर्णय भएको बताएका छन् । उक्त निर्णय लाई व्यवहारमा समेत लागु गर्ने उनले बताए ।
प्रेस काउन्सिल नेपालको आयोजना तथा पत्रकार महासंघ तनहुँ शाखाको संयोजनमा विहिबार दमौलीमा आयोजित “तनहुँका सञ्चारमाध्यमका समस्या र पत्रकार आचारसंहिता” विषयक मिडिया संवादमा बोल्दै आचार्यले सो कुरा बताएका हुन् ।
नयाँ मिडिया दर्ता, वर्गीकरण र नविकरण स्थानीय तहबाट हुनुपर्ने उनले बताएका थिए । सिंह दरबारको अधिकार स्थानिय तहका सञ्चारमाध्यममा समेत लागु हुनेपर्नेमा उनले जोड दिए ।
पत्रकारले सामाजिक सञ्जाल प्रयोग गर्दा अपनाउनुपर्ने आचारसंहिता समेत बनाउन लागिएको आचार्यले बताएका छन् । पत्रकार साझा भएको हुदा पत्रकार जवाफदेहि हुनुपर्छ । पत्रकारले सामाजिक संजालमा के कुरा हाल्ने के नहाल्ने त्यो सम्बन्धि आचारसंहिता बनाउन लागिएको उनले बताए ।
कुनैपनि कुरा पुष्टी भैसक पछि मात्रै राख्नुपर्ने उनले बताए । कुनै पनि गलत सूचना सर्वसाधारणमा जानु नहुने उनको धारणा रहेको थियो । पत्रकारले सामाजिक सञ्जालमा आचारसंहिता विपरीतका सामग्री प्रकाशन/प्रशारण गरेको पाइएकाले त्यसलाई नियन्त्रण गर्न आचारसंहिता बनाउन आवश्यक रहेको उनले बताए ।
‘पत्रकारको सामाजिक संजाल आचारसंहिता बनाउन महासंघका पूर्वअध्यक्ष र विज्ञलाई मस्यौदा दिने तयारी गरेका छौँ, आगामी साधारणसभासम्म यसको टुङ्गो लाग्छ,’ उनले भने । त्यस्तै विधिवत रुपमा महासंघमा सुचिकृत नभएका मिडिया लाई महासंघको ठेक्का नलिएको समेत उनले बताए ।
स्थानिय स्तरको विज्ञापन स्थानिय संचार माध्यम लाई नै दिनुपर्ने उनले बताए । पत्रकारले सधै सरकारको प्रतिपक्षको भूमिका खेल्नुपर्ने उनले बताए ।
प्रेस काउन्सिल नेपालका सदस्य खिलबहादुर भण्डारीले पत्रकारले मिहेनत गरेर खोज पत्रकारिता गर्नुपर्ने बताए । पत्रकारले सत्य कर्म निरन्तर गर्दै सहि सूचना जनता माझ पुर्याउनु पर्छ भण्डारीले भने ।
त्यस्तै व्यास नगरपालिकाका प्रमुख वैकुण्ठ न्यौपानेले खुल्ला समाजमा पत्रकारिता गर्न सजिलो रहेको बताए । अध्ययन र स्तरवृद्धिको तालिमको लागि स्थानिय तह नगरपालिकाले सहयोग गर्ने न्यौपानेले बताए ।
त्यसैगरि प्रमुख जिल्ला अधिकारि भरत कुमार शर्माले पत्रकार राज्यको चौथो अंग हो यसले राज्यका तिन प्रमुख अंग लाई सहि मार्गमा ल्याउन सहयोग गर्ने उनले बताए । मोफोसलका पत्रकार कसरि बाचिरहेका छन् त्यसलाई पत्रकार महासंघ र प्रेस काउन्सिलले विशेष रुपमा ध्यान दिनुपर्ने उनले बताए ।
पत्रकार महासङ्घ तनहुँका पूर्वअध्यक्ष विश्वबन्धु भण्डारी, प्रदीप काफ्ले, डम्बर अधिकारी, उपाध्यक्ष नारायण खड्का, सचिव उज्वल पौडेल लगायतले सञ्चारमाध्यमलाई उद्योगको रुपमा मान्यता दिनुपर्ने माग गरेका थिए । पत्रिकाको वर्गिकरणको आधारमा ऋण लिने व्यवस्था गरिनुपर्नेमा सहभागी पत्रकारहरुको जोड थियो ।
सम्बन्धित खबर
संविधान दिवस : तिलडाँडा सामुदायिक वन वाटिकामा वृक्षारोपण
नेपालमै पहिलो पटक पोखरामा इन्टरनेशनल बलुन फेस्टिभल हुने
बागलुङका स्वास्थ्य संस्थामा डेङ्गी परीक्षण किट अभाव
कास्की जिल्ला शुटिङ संघको अध्यक्षमा राजु श्रेष्ठ
सयौं च्याङ्ग्रा लिएर कहाँ गायब भए मुन्ना ? सँगै पोखरा झरेका च्याङ्ग्राधनी खोजेको खोज्यै
रूपा रिङरोड दोस्रो खण्डको शिलान्यास, ४७ करोडमा बन्ने
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग