तनहुँ । नेपाल पत्रकार महासङ्घ तनहुँको साधारण सभा शुक्रबार दमौलीमा सम्पन्न भएको छ । साधारण सभाको उदघाटन गर्दै गण्डकी प्रदेशका आन्तरिक मामिला तथा कानुनमन्त्री हरि बहादुर चुमानले पूर्ण प्रेस स्वतन्त्रताप्रति सरकार प्रतिबद्ध रहेको बताए ।
चुमानले प्रदेश सरकार आम संचार नीति बनाउने तयारीमा रहेकोले प्रेसमैत्री कानुन बनाईने बताए । उनले सङ्घीयता सफल बनाउने जिम्मेवारी पत्रकारहरुको समेत रहेकोले सङ्घीयता सफल भए मात्रै देशको भविष्य सुन्दर हुने बताए ।
जिल्ला समन्वय समिति तनहुँका प्रमुख शान्तिरमण वाग्लेले पत्रकारले निर्धक्क समाचार लेख्ने वातावरण नभए लोकतन्त्र खतरामा पर्ने बताए । तनहुँ उद्योग वाणिज्य सङ्घका अध्यक्ष मानकाजी श्रेष्ठले सत्य तथ्य समाचार प्रवाह गरेर जनतालाई सुसुचित बनाउनु पत्रकारको कर्तव्य भएको बताए ।
पत्रकार महासङ्घ तनहुँका अध्यक्ष ओमकार आचार्यको अध्यक्षतामा सम्पन्न कार्यक्रममा संस्थापक अध्यक्ष विश्वबन्धु भण्डारी, पूर्व अध्यक्षहरु प्रदीप काफ्ले, प्रेमप्रसाद पौडेल, प्रकाशचन्द्र भट्टराई, डम्बर अधिकारी, नेपाल वार एशोशिएसन तनहुँका पूर्व अध्यक्ष शिवदत्त ढकाल, दमौली अस्पताल विकास समितिका अध्यक्ष प्रदिपराज अधिकारी लगायतले मन्तव्य व्यक्त गरेका थियो ।
साधारणसभाले सचिव उज्वल पौडेलको साङ्गठनिक र कोषाध्यक्ष प्रताप रानाको आर्थिेक प्रतिवेदन पास गरेको छ ।
सम्बन्धित खबर
स्वास्थ्य क्षेत्रमा गण्डकी प्रदेश अब्बल बनाउनेतर्फ सरकारको ध्यान केन्द्रीतः मन्त्री पाठक
छाब्दीवाराही मन्दिर: धार्मिक गन्तव्यस्थल
तनहुँको ऋषिङमा जनप्रतिनिधिको बैठक भत्ताले ११ विद्यालयमा अक्षयकोष
तनहुँको भीमादमा आफैले ढालेको रूखले च्यापेर मृत्यु
तनहुँबाट लागु औषधसहित युवक पक्राउ
तनहुँमा दुई दुर्घटना [अपडेट]: मोटरसाइकल चालकको मृत्यु, बस खस्दा ११ घाइते
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग