को हो त्यो नाथे निर्मला ? (भिडियो सहित)

को हो त्यो नाथे निर्मला ? (भिडियो सहित)

nirmala nimti (1)
  • अमृत सुवेदी

को हो त्यो निर्मला ?
जो मरेर पनि दुःख दिइरहेकी छ हामीलाई
किन तर्साउन आइरहन्छ 
उसको रगतले लत्पतिएको अनुहार ?

कयौं सपना निमोठेरै आइपुगेका हौं यहाँ
जाबो एउटा कोपिला निमोठियो त के भयो ?
सुनौला रहरहरु दबाएरै आइपुगेका हौं यहाँ
नाथे २–४ आवाजहरु दबाइन्छ त के भो ?

को हो त्यो निर्मला ?
जसको पछाडि गुञ्जिरहेछ अर्राष्ट्रिय विलाप
ताकेर आइरहेछ आवाजहरु सत्ताको नजिक–नजिक

आफैंसँग हारेकी निर्मलाको आत्म
किन घुमिरहेछ बहुमतको सिंहदरबार वरिपरी ?
नाथे निर्मलाहरुको आत्मलाई दबाइदिनु
समृद्धिको छपनिमुनि र भनिदिनु–
यो समृद्धहरुको युग हो, निर्धाहरुको होइन
च्यातिदिनु सत्ताबिरुद्ध सोझिएका मान्छेका टाङ
न्याय माग्नेहरुलाई भनिदिनु–
के सबै कुरा मागेर पाइन्छ ?

अरुले आँखा लगाउने छोरी पनि किन जन्माउने हँ ?
घोषित गरिदिनु ती बाबुआमालाई पागल
र भनिदिनु–यो पागलहरुको देश होइन

रुँदै न्याय माग्नेका छातिहरु चरिदिनु
र हाँस्दै टाँगिदिनु–नयाँ युगको पोस्टर

को हो निर्मला ?
जो मरेर पनि दुःख दिइरहेकी छ हामीलाई
किन तर्साउन आइरहन्छ
उसको रगतले लत्पतिएको अनुहार ?

को हुन् ती नाथे निर्मलाहरु ?
जसका आत्म आइरहेछन् सत्ताको वरिपरी
र, हल्लाउन खोजिरहेछ नयाँ युगको शासकको कुर्चि ।

गण्डकी प्रदेशको अग्रणी अनलाइन गण्डक न्यूज विभिन्न प्लाटफर्ममा उपलब्ध छन्। सामाजिक सञ्जालहरूमा हाम्रो च्यानल सब्स्क्राइब गर्न यहाँ क्लिक गर्नुहोस्। जहाँ तपाईँ फेसबुक, ट्विटर, इन्स्टाग्राम, यूट्युब लगायतमा पनि हाम्रा सामाग्री हेर्न सक्नुहुन्छ। नयाँ खबर थाहा पाउनका लागि गण्डक न्यूज र हाम्रो अर्को आधिकारिक वेबसाइट गण्डकी न्यूज भिजिट गर्दै गर्नुहोला। साथै, माथि समाचार पढेपछि तपाईँको प्रतिक्रिया के छ? व्यक्त गर्नुहोला।

प्रतिक्रिया

लेखकको बारेमा

गण्डक न्यूज

गण्डक न्यूज

गण्डक न्यूज डेस्क

ट्रेन्डिङ