आइतबार, ९ मंसिर २०८१
आइतबार, ९ मंसिर २०८१
महेन्द्र जिसी, पर्वत । कुश्मा नगरपालिकाका प्रमुख र उपप्रमुखले घरैमा पुगेर जेष्ठ नागरिक सम्मान अभियान सञ्चालन गरेका छन् ।
नगरका प्रमुख रामचन्द्र जोशीले आफुले पाउने सबै सरकारी सुविधाले विपतीमा परेका वालवालिका, स्कुल पढ्न नसक्ने दीर्घ रोग लागेका र जेष्ठ नागरीकहरुलाई सहयोग गर्ने अभियान चलाएका हुन् ।
उमेर ८० नाघेका जेष्ठ नागरीकहरु हिँडडुल गर्न नसक्ने र परिवार सबैले सम्मान गर्नुपर्ने भन्दै नगर प्रमुखले यो अभियान सञ्चालन गरेका हुन् । नगरपालिकाका १४ वटै वडाका जेष्ठ नागरीकहरुलाई सम्मान गर्ने जनाएका छन् ।
कुश्मा नगरपालिकाले नगरभित्रका ९१ जना जेष्ठ नागरिकलाई घरघरै पुगेर सम्मान गर्ने अभियान चलाएपछि नगर प्रमुख सहितका जनप्रतिनिधि पुगेका हुन् । आफ्नो पारिश्रमिकबाट जोशीले स्कुले बालबालिकालाई शैक्षिक सामग्री, विद्यालय पोसाक र नगदसमेत सहयोग गर्दै आएका छन् । नगर पालिकाले वडा नं. एक देखि अभियान सञ्चालन गरेर सबै वडाका जेष्ठ नागरीकहरुलाई घरैमा पुगेर सम्मान गरिने नगर प्रमुख जोशीले बताए ।
बुढ्यौली उमेरका जेष्ठ नागरिक सम्मान लिनकै लागि नगरपालिकासम्म आउन नसक्ने भएका कारण घरैमा पुगेर सम्मान गर्ने अभियान चलाएको जोशीले बताए । यसरी घरमा पुगेर वृद्धवृद्धा सम्मान गर्दा जेष्ठ नागरीकको आत्मसम्मान हुने उनको भनाई छ ।
नगरप्रमुखको हैसियतमा पाउने सबै सरकारी सुवीधा यस्तै कार्यक्रम गरेर कार्यकाल पुरा गर्ने जोशीले बताए । विभिन्न नगर पलिकाका आयोजना अनुगमन र वडा स्तरका कार्यक्रममा पुग्दा जेष्ठ नागरीकहरुको घरैमा पुगेर नगर प्रमुख उप प्रमुखहरुले सम्मान अभियानलाइ निरन्तरता दिईएको उपप्रमुख सिता काफ्ले लामिछानेले बताईन् ।
This will close in 3 seconds
सम्बन्धित खबर
मालढुङ्गा–बेनी सडक दैनिक छ घण्टा बन्द
सुन्तला छाडेर मौरीपालन, वार्षिक ३५ लाख आम्दानी
पर्वतमा देउसी भैलोप्रतिको आकर्षण बढ्दै
पर्वतको नागढुङ्गा सहकारीको पाँच करोड हिनामिना
सात वर्षमा पनि पूरा भएन मालढुङ्गा–बेनी–जोमसोम सडक
पर्वतको महाशिलामा ७ करोडका पर्यटकीय पूर्वाधार निर्माण
यो पनि पढौँ
तनहुँ दुर्घटना: बस चालककाे मृत्यु, ३० घाइते [नामावलीसहित]
पोखरा हेम्जामा मध्यराती दुर्घटना हुँदा दोहोरी गायक किरण अधिकारीको मृत्यु
तनहुँको गोरेचौतारामा दुई बस ठोक्किँदा २९ जना घाइते
पोखराका होटलमा राखी चार बालिकालाई यौनकार्यमा लगाउने तीन युवती पक्राउ