तनहुँ । प्रहरीले तनहुँको आँबुखैरेनीबाट अबैध लागुऔषध सहित ३ जना लाइ शुक्रबार पक्राउ गरेको छ । शुक्रबार बिहान आँबुखैरेनी गाँउपालिका वडा नं. ३ स्थित आँबुखैरेनी चोक बजारबाट चेकिङ् प्रहरीले लागु औषध सहित ३ जना युवा लाई पक्राउ गरेको हो । प्रहरीले डाईजेपाम थान २४, नुफिन थान २४, फेनारगन थान २४ गरी जम्मा ७२ थान लागु औषध सहित उनीहरु लाई पक्राउ गरेको हो ।

पक्राउ पर्नेहरुमा आँबुखैरेनी २ बस्ने बर्ष २४ को आशिष रामदाम, बन्दीपुर गाउँपालिका वडा नं.४ सानोडुम्रे बस्ने बर्ष २० को संगम सिंह थापा र बन्दीपुर गाउँपालिका वडा नं. ४ सानोडुम्रे बस्ने बर्ष २० को अनिश थापा रहेको जिल्ला प्रहरी कार्यालय तनहुँका प्रवक्ता प्रहरी नायव उपरीक्षक श्यामु अर्याल जानकारी दिए । उनीहरु लाई कानुनी रित पुर्वक पक्राउ गरी लागु औषध मुद्दामा जिल्ला अदालत तनहुँमा उपस्थित गराई म्याद थप गरी थप अनुसन्धान भइरहेको जिल्ला प्रहरी कार्यालय तनहुँले जनाएको छ ।