पोखरा, २० असार । प्रदेश नम्बर ४ को नाम गण्डकी राख्ने लगभग निश्चित भएको छ । नेपाल कम्युनिष्ट पार्टी (नेकपा) को बुधबार बसेको बैठकले गण्डकी नाम राख्न सहमति जुटाएको हो ।
निकै लामो छलफल र बहसपछि नेकपाका सांसदहरु बीच गण्डकी नाम राख्ने बिषयमा सहमति जुटेको हो । विशेषगरी माओवादी तर्फका सांसदहरु पहिचान सहितको नाम हुनुपर्ने भन्दै गण्डकी तमुवान राख्ने पक्षमा देखिएका थिए । केही एमालेका सांसदहरुले पनि त्यसलाई समर्थन गरेका थिए ।
तर धेरैको धारणा जातिय नाम भन्दा साझा नामको पक्षमा भएकोले छलफल लम्बिएको हो । केन्द्रिय तहका नेताहरुले पनि जाति नाम नराख्न आग्रह गरेपछि र बहुमत सांसदले गण्डकीको पक्ष लिएपछि प्रदेशको नामाकरण गण्डकी हुन लागेको हो ।
अर्थमन्त्री किरण गुरुङले समेत गुरुङहरुको पहिचान गण्डकीमा रहेकोले गण्डकी प्रदेश उपयुक्त हुने अभिब्यक्ति दिएपछि केही दिन पोखरामा नामको बिषयले निकै धेरै चर्चा पाएको थियो । नेकपाभित्रकै केही सांसदले हिमालयन प्रदेश पनि अघि सारेका थिए । नेकपा बाहेक काँग्रेस र जनमोर्चाले गण्डकी नाम राख्न पार्टीगत रुपमा निर्णय गराएर बुझाईसकेका छन् भने नयाँ शक्तिले चाहीँ गण्डकी–तमुवान राख्न प्राथमिकताका साथ सिफारिस गरेको छ ।
डिएनएनेपालको सहयोगमा
सम्बन्धित खबर
४७ करोड लागतमा बन्दै रुपा रिङरोडको दोस्रो खण्ड
हिसान कास्की अध्यक्षमा हिल पोइन्टका दिवाकर, सचिवमा प्रतिभाका किरण
गण्डकीका भौतिक पूर्वाधार मन्त्री केसीले गरे चौर अम्बोट झोलुङ्गे पुलको उद्घाटन
शान्ति निकेतनका विद्यार्थीले मनाए विज्ञान दिवस
विज्ञान र प्रविधिको विकासमा प्रदेश सरकार प्रतिवद्ध: मन्त्री थापा
पोखराको विजयपुर उकालोमा बाइकलाई कन्टेनरले ठक्कर दिँदा म्याग्दीका तिलिजाको मृत्यु
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग