पोखरा, १५ असार । आज असार १५ ,अर्थात् १५ औँ राष्ट्रिय धान दिवस । धान उत्पादनमा वृद्धि: राष्ट्रको समृद्धि भन्ने मूल नाराका साथ मनाइँदैछ । असार १५ एबं धान दिवसको अबसरमा आज देशभर रोपाई महोत्सब हुदैछ । काठमाडौं, पोखरा लगायतका स्थानमा विशेष रोपाई महोत्सब हुदैछ ।
पोखरा पर्यटन परिषद्को आयोजनामा पोखरामा रोपाई महोत्सब हुदैछ । ‘पोखरा सबै मौसमका लागि’ भन्ने नारा सहित हुने १५ औ असारे रोपाई महोत्सव पोखरा महानगरपालिका २४ पामेमा गर्न लागिएको छ । स्थानीय अशोक पालिखे र कृष्णमोहन पराजुलीको चार रोपनी खेतमा महोत्सव गर्न लागेको पोखरा पर्यटन परिषदका अध्यक्ष केदार शर्माले जानकारी दिए । महोत्सवमा रोपाई प्रतियोगिता, हिलोमा माच्छा समात्ने प्रतियोगीता, पर्यटन दौड प्रतियोगिता, रसी तान्ने प्रतियोगिता , साउने प्रतियोगिता लगायत विविध सांस्कृतिक कार्यक्रम गर्ने उनले बताए । सरकारले काठमाडौँको दक्षिणकालीमा धान दिवसको आयोजना गरेको छ ।
नेपाल कृषि अनुसन्धान परिषद् (नार्क) को सिफारिसमा २०६१ साल मंसिर २९ गतेको मन्त्रिस्तरीय निर्णयबाट असार १५ गतेलाई धान दिवसका रूपमा मनाउन शुरु गरिएको थियो ।
कृषिको परनिर्भरता कम गर्न र किसानलाई हौसला पु-याउन भन्दै हरेक वर्ष धान दिवस मनाइँदै आएको हो । धान नेपालको प्रमुख खाद्यान्न बाली हो । धानको उत्पादन बढ्दा कूल गार्हस्थ्य उत्पादनमा वृद्धि हुन्छ । कृषि क्षेत्रबाट प्राप्त कूल गार्हस्थ्य उत्पादनमध्ये धानको योगदान १२ प्रतिशत छ । राष्ट्रिय उत्पादन ९जिडिपी० मा कृषि क्षेत्रको योगदान भने ३३ प्रतिशत छ । जल, जमीन र जनशक्ति पर्याप्त भए पनि धानको उत्पादनमा सन्तोषजनक वृद्धि हुन सकेको छैन ।
युवा जनशक्ति विदेश पलायन हुनु, खेतीयोग्य जमीन खण्डीकरण भई घडेरीकरणमा रूपान्तरण हुनु पर्याप्त सिञ्चित जमीन नहुनु, उन्नत जातका बीउबिजनको प्रयोग नगर्नु र प्राङ्गारिक तथा रासायनिक मलको सहीरूपमा प्रयोग नहुनु एवं धानको समर्थन मूल्य नतोकिनुले धानको उत्पादन बढ्न नसकेको कृषि विज्ञको भनाइ छ । नेपालीलाई प्रतिवर्ष ६० लाख मेट्रिक टन धानको आवश्यकता पर्छ ।
This will close in 3 seconds
सम्बन्धित खबर
डा. चैतन्य अधिकारीको ‘जुद्ध शमशेरका नाममा’ कविता सङ्ग्रह लोकार्पण
बैंक तथा वित्तीय क्षेत्रको समस्यामा प्रतिफल आउने गरी काम गर्छुः गोकर्ण कार्की
काम गर्न राम्रो टीम चाहिन्छ, त्यो हामीले लिएर आएका छौँः अर्जुन पोखरेल
‘नारामा युवा पटकपटक, नेतृत्वमा युवा यस पटक’ – सौगात थापा
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
जीवनको मुक्ति साधना, सफलताका लागि कर्म अनिवार्यः प्रदेश प्रमुख भट्ट
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग