सुन्दर कुमार थकाली, मुस्ताङ । गणतन्त्र मुल समारोह समिति मुस्ताङले सोमबार कारागारका कैदी,बन्दी र अस्पतालका बिरामीलाई फलफुल बितरण गरेको छ । सिडियो शिशिर पौडेलको नेतृत्वमा अस्पताल र कारागारमा पुगेको टोलीले फलफुल बितरण गरेका हुन् ।

३ दिने गणतन्त्र दिवस मनाउने कार्यतालिका अनुसार  दिवसको अघिल्लो दिन केदीबन्दी र बिरामीलाई सिडियो पौडेल र जिसस प्रमुख छिरिङ ल्हामो गुरुङले जिल्ला स्वास्थ्य कार्यालय जोमसोम अस्पतालका बिरामीलाइ सयुक्त रुपमा फलफुल बितरण गरेका हुन् । त्यस्तै, टोलीले जिल्ला कारागारमा पनि पुगेर कैदीबन्दीलाई फलफुल बितरण गरे ।

संघिय लोकतान्त्रिक गणतन्त्र दिवसको पुर्वसंन्ध्यामा फलफुल बितरण गरिएको कारागार र अस्पतालका कैदी बन्दी र बिरामीलाई सुझाए । सो अवसरमा सरकारी निकायका प्रतिनिधि, सुरक्षा निकायका प्रतिनिधि, राष्ट्रिय जिल्ला अनुसन्धान प्रमुख, विभिन्न राजनितिक पार्टीका प्रतिनिधि र पत्रकारहरुको उपस्थिती रहेको थियो ।

मुस्ताङमा गणतन्त्र दिवस भब्य र सभ्य रुपमा मनाउन जिसस प्रमुख गुरुङ संयोजकत्वमा ५३ सदस्य मुल समारोह समिति गठन भएको छ । समितिले भोली मंगलबार र बुधवार विविध कार्यक्रम गरेर गणतन्त्र दिवस मनाउने भएको जिल्ला प्रशासन कार्यालय मुस्ताङले जनाएको छ ।