गण्डक न्युज पोखरा, १ बैशाख / पोखरा सिर्जनाचोक स्थित पोखरा मल्टिमोडल क्याम्पसले एक समारोहका बीच कक्षा १२ र ब्याचलर अन्तिम वर्षका विद्यार्थीहरुलाई बिदाईका साथ उत्कृष्ट विद्यार्थीलाई पुरस्कार वितरण गरेको छ । साथै नयाँ वर्षको अवसरमा शुभकामना आदान प्रदान कार्यक्रम पनि गरेको छ ।
कार्यक्रमका प्रमुख अतिथि पृथ्वीनारायण क्याम्पस पोखराका प्रमुख प्रा.डा. चन्द्रबहादुर थापाले राज्यले शिक्षा क्षेत्रमा लगानी नगरेसम्म यस क्षेत्रमा आशातित विकास हुन नसक्ने बताए । उनले विद्यार्थीले प्रमाणपत्रका लागि मात्र अध्ययन गर्न नहुने भन्दै ज्ञान, सीप, अनुभव हासिल गरी जिवन सार्थक बनाउन पढ्नुपर्ने बताए । विद्यार्थी नैतिकवान्, चरित्रवान् हुनुपर्नेमा उनको जोड थियो । पोखरा मल्टिमोडलका कार्यक्रममा आउँदा अतिथि नभई परिवार जस्तो अनुभूति हुने थापाले बताए ।
क्याम्पसका प्रबन्ध निर्देशक राजकुमार गिरीले सञ्चालक समिति पुनर्गठन भएको र अब नयाँ कार्यक्रम लिएर झनै प्रभावकारी अध्ययन प्रक्रिया अवलम्बन गरिने बताए । क्याम्पस प्रमुख कृष्णबहादुर केसीले राम्रो शिक्षा मात्र नभई उपयोगी व्यवहारिक शिक्षा आवश्यकबोध गरी क्याम्पसले निरन्तर यसतर्फ विभिन्न कार्यक्रम आयोजना गरेको उल्लेख गरे ।
कार्यक्रमको अध्यक्षता समेत गरेका क्याम्पसका अध्यक्ष लिलाधर बरालले अभिभावक र विद्यार्थीसँग राम्रो सम्बन्ध स्थापित गर्दै क्याम्पसले लामो समयदेखि गुणस्तरीय शिक्षा प्रदान गरेको बताए । प्राध्यापक संघ इकाई समितिका अध्यक्ष नगेन्द्रबहादुर भण्डारीले लामो अनुभव बटुलेका शिक्षकहरुबाट क्याम्पसमा गुणस्तरीय शिक्षा प्रदान भईरहेको जनाए ।
सो अवसरमा विद्यार्थीका तर्फबाट कक्षा १२ विज्ञान संकायका निरज थापा, व्यवस्थापन संकायका सुरज पाण्डे, बिबिएस चौथो वर्षका आरती बञ्जराले बिदा भएर जाँदै गर्दा क्याम्पसका पढाईबारे बोलेका थिए । यस्तै, कक्षा ११ का विज्ञान संकायकी निता प्रधान र व्यवस्थापन संकायकी श्रीया गिरीले अग्रजहरुलाई सफलताको कामना गरेका थिए ।
कार्यक्रममा दिवा कोओर्डिनेटर बाबुराम लामिछानेले स्वागत तथा प्रातः कोओर्डिनेटर भुपाल जैसीले सञ्चालन गरेका थिए । क्याम्पसले विद्यार्थीलाई व्यवहारिक ज्ञान दिने हेतु नियमित रुपमा प्रशासन, वित्तिय संस्थामा स्थापित व्यक्तित्व आमन्त्रण गरेर अन्र्तक्रियात्मक कार्यक्रम आयोजना गर्दै आएको छ ।
This will close in 3 seconds
सम्बन्धित खबर
डा. चैतन्य अधिकारीको ‘जुद्ध शमशेरका नाममा’ कविता सङ्ग्रह लोकार्पण
बैंक तथा वित्तीय क्षेत्रको समस्यामा प्रतिफल आउने गरी काम गर्छुः गोकर्ण कार्की
काम गर्न राम्रो टीम चाहिन्छ, त्यो हामीले लिएर आएका छौँः अर्जुन पोखरेल
‘नारामा युवा पटकपटक, नेतृत्वमा युवा यस पटक’ – सौगात थापा
गौथली सामुदायिक विकास केन्द्रको हरितालिका तीज मेला तथा खेलकुद समापन
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग