पोखरा, २३ चैत । पोखराको हेमजामा विहीबारदेखि सुरु भएको राष्ट्रिय आलु महोत्सवमा बोको आकर्षण बन्यो ।

आलु महोत्सवमा एक सय १० किलोको बोको प्रदर्शन गरेसंगै त्यसलाई हेर्नेको भिड नै लाग्यो । लामाचौतारा खुट्टेगौडा टोल विकास संस्था तथा अभिभावक समुहको ¥यालीमा पोखरा लेखनाथ महानगरपालिका २५, हेमजाका झपट बहादुर थापाले पालेको बयर जातको बोको उक्त महोत्सवमा प्रदर्शन गरेका थिए ।

दुई बर्ष अघि थापाले तनहुँको बन्दीपुरबाट माउ सहित एउटा बोका २५ हजार रुपैयामा किनेका हुन् । उनले हाल ठुलो बयर प्रजातिका ४ वटा बाख्रा पालेका छन् ।

प्रदर्शन गरिएको उक्त बोको ६० हजार रुपैंयासम्ममा बेच्ने योजना सुनाए । दुई बर्षको उक्त बोकोट स्थानिय जातका बाख्रामा क्रस समेत गरिँदै आएको थापाले बताए । उक्त बोकोबाट स्थानिय बाख्रामा एक पटक क्रस गरिएको ५ सय लिने गरेका छन् ।

तस्विरः सागरराज तिमिल्सना, गन्थन डटकमबाट