पोखरा , ३ चैत । बेगनास ताल घुम्न गएका ४ नम्बर प्रदेश सभा सचिवालयका उपसचिव परशुराम पोखरेलको हृदयघाटका कारण ज्यान गएको छ ।
बेगनास तालमा बोटिङ गर्ने क्रममा अप्ठेरो महसुस भएको बताएका पोखरेलको अस्पताल लैजाने क्रममा मृत्यु भएको छ ।
‘लेखनाथ सुन्दरी डाँडाको टावरबाट बेगनास र रुपातालको रमणीय दृश्य हेरेर हामी बेगनाथमा १ घन्टाका लागि बोट भाडामा लिएका थियौं,’ पोखरेलसँगै गएका प्रदेश सभाका कम्युटर अपरेटर लेखनाथ भण्डारीले भने, ‘केही समय बोटिङ गरेपछि उहाँले अप्ठेरो फिल भयो भनेपछि नजिकैको शिशुवा अस्पतालमा पुर्याएका थियौं । डाक्टर बाटोमै ज्यान गएको पुष्टि गरे ।’
सभामुखको कार्यालयका लागि केन्द्रबाट आएको गाडी हस्तान्तरण गर्न चिठी बुझाएर फर्केपछि पोखरेलसहित प्रदेश सभा सचिवालयका ५ जना मिलेर बेगनास घुम्न पुगेका थिए ।
पोखरेल राष्ट्रिय सतर्कता केन्द्रबाट काजमा प्रदेश सभा सचिवालयमा काममा आएको डेढ महिनामात्रै भएको थियो ।
२५/२६ वर्षदेखि सरकारी सरकारी सेवामा रहेका पोखरेलले स्वेछिक अवकासका लागि निवेदन दिएका थिए । उनी अवकास लिएर परिवारका साथ बस्न चाहन्थे ।
उनका २ छोरामध्ये १ जना अस्ट्रेलियामा छन् भने अर्का गोरखा प्राविधिक कार्यालयका इन्जिनियर छन् ।
पोखरेलको शव पोस्टमाटमका लागि पश्चिमाञ्चल क्षेत्रीय अस्पतालमा राखिएको छ ।
– अनलाइनखबर
सम्बन्धित खबर
नेपाली सिनेमाको विकासको विकास हुन नसक्नुमा सरकारको नीति वा नियतबारे प्रश्न
रिलदेखि एआईसम्म आउँदा स्मरण क्षमता कमजोर, मेहनत कम
‘अहिलेका गीत संगीतमा प्याकेज बन्न छोडे’
‘नेपाली सिनेमामा आदिवासी र सिमान्तकृतको स्वर दबिएको छ’
गण्डकी प्रदेशलाई ‘वेलनेस’ टुरिजमको हव बनाऔँ : मुख्यमन्त्री पाण्डे
सामूहिक आलुखेतीमा जुट्दै स्याङ्जाका किसान
यो पनि पढौँ
पोखरामा जीपको ठक्करबाट आमाको मृत्यु, छोरा गम्भीर घाइते
कुम्भ मेलाबाट फर्किँदै गर्दा नेपाली सवार गाडी दुर्घटना, रुपन्देहीका ३ जनाको मृत्यु
पर्वतमा जीप दुर्घटना हुँदा एक जनाको मृत्यु, चालक गम्भीर
शानदार मःम पसलमा ग्यास विस्फोटः थप एकजनाको मृत्यु, मृतकको संख्या ४ पुग्यो