गण्डक न्युज पोखरा, १६ फागुन / पोखरा ८ सिर्जनाचोकमा अवस्थित पोखरा मल्टिमोडल क्याम्पसले आफ्ना विद्यार्थीलाई व्यवहारिक ज्ञान दिने हेतुले विभिन्न प्रशिक्षणात्मक कार्यक्रमलाई जारी राखेको छ ।
बुधबार व्यवस्थापन संकायतर्फका विद्यार्थीमाझ क्याम्पसले यसै क्षेत्रमा उत्कृष्टता हासिल गरेका पोखरामा स्थापित युवा व्यक्तित्वलाई उभ्यायो । यसअघि, लोकसेवा कक्षा सम्बन्धमा विद्यार्थीलाई प्रशिक्षण दिइएको थियो ।
कक्षा १२ र बिबीएस तहका विद्यार्थीसँग सिए अमित थापाको अन्र्तक्रियात्मक कार्यक्रम सम्पन्न भएको हो । सो अवसरमा सिए थापाले व्यवस्थापन विषयका फाइदा र यसलाई कसरी उपयोग गर्दै जीवनमा सफल बन्ने विषयमा सहजीकरण गरे ।

उनले बिबिए, सिए भन्दा बिबिएसका पाठ्यक्रम ज्ञानमूलक भएको भन्दै यसलाई व्यवहारमा लागू गर्ने सन्दर्भमा मात्र चुकेको बताए । ‘त्रिवि अन्तर्गत व्यवस्थापनको स्नातक तह र सिएको साढे चार वर्षे कोर्स उस्तै स्तरका हुन् । तर हामीकहाँ किन बिबिएसका टपर विद्यार्थीलाई सिएका नर्मल विद्यार्थी जस्तो पनि समाजले लिँदैन ? बिबिएसको ८० प्रतिशत पाठ्यक्रम सिएसँग मिल्छ । बजारमा बिबिएसका विद्यार्थी किन प्रतिष्पर्धामा उत्रन सक्दैनन् ?’ थापाले विद्यार्थी माझ भने ‘विद्यार्थी पनि यो विषयमा गम्भिर हुनुपर्छ । उत्कृष्टता हासिल गर्नुपर्छ । बिबिएसका पाठ्यक्रम निकै राम्रो छ ।’ उनले व्यवस्थापन विषयका विद्यार्थी समयका साथै हरेक कुराको व्यवस्थापनामा पनि ध्यान दिनुपर्ने बताए ।

तीन दर्जन बढी विद्यार्थी सहभागी कार्यक्रममा उनीहरुले बिबिएस पढेपछिको स्कोप, लेखा, वित्त शास्त्र लगायतका सन्दर्भमा जिज्ञासा राखेका थिए । सिए थापा पोखरा नुडल्स प्रालिसँग आबद्ध छन् भने पोखारमै प्रिज्म सेन्टर अफ लर्निङ प्रालिका मेनेजिङ डिरेक्टर समेत हुन् । सो सेन्टरले सिए कोर्स सञ्चालन गर्दै आएको छ ।
क्याम्पस प्रमुख कृष्ण केसीले सैद्धान्तिक ज्ञानसँगै अब बजारमा आफ्ना विद्यार्थी प्रतिष्पर्धामा अब्बल बनाउने गरी व्यवहारिक पाटोतर्फ जोड दिएको दिएको बताए । उनले निजामति सेवामा प्रवेशमा आकर्षित गराउन यसअघि लोकसेवा परीक्षा तयारी, यसका फाईदा सम्बन्धमा प्रशिक्षण दिएको बताउँदै व्यवस्थापन नै पढेर कस्तो पदमा पुग्न सकिन्छ ? भन्ने देखाई पढाईप्रति प्रेरित गर्न सिएसँग अन्र्तक्रिर्यात्मक कार्यक्रम गरेको बताए ।
सो अवसरमा पोखरा मल्टिमोडल प्रालिका प्रबन्ध निर्देशक राजकुमार गिरीले यस्ता कार्यक्रमले विद्यार्थीलाई फाइदा पुग्ने बताउँदै निरन्तरता दिने बताए ।

सम्बन्धित खबर
फागुका विविध रङजस्तै नेपाली समाज पनि विविधतापूर्णः प्रदेश प्रमुख भट्ट
फोनिज गण्डकी अध्यक्षमा खिमा गुरुङ
होलिल्याण्ड बाराही घाटमा नहुने, नयाँ भेन्यु कोमागाने पार्क तय
धवलागिरी क्याम्पस स्ववियु निर्वाचन: नेविसंघबाट सृष्टि आचार्यको उम्मेदवारी
को हुन् पीएनमा अनेरास्ववियुबाट स्ववियु अध्यक्ष उम्मेद्वार बनेका विष्णु ?
पर्वतमा यसवर्ष आलु उत्पादन बढ्ने अनुमान
यो पनि पढौँ
को हुन् पीएनमा अनेरास्ववियुबाट स्ववियु अध्यक्ष उम्मेद्वार बनेका विष्णु ?
बीमा रकमका लागि पोखरामा फेरि आफ्नै पसलमा आगो ! पसल सञ्चालक पक्राउ
पोखरा कोटीहोम विवादः भूमिपूजन गरेपछि नगर प्रहरी र आयोजकबीच झडप [तस्वीरहरू]
पोखराको कोटीहोम रोक्न विश्व हिन्दु महासङ्घको माग