गण्डक न्युज पोखरा, ६ फागुन / पोखरा लेखनाथ महानगरपालिका वडा नं. २६ विजयपुर खोलामा डुबेका अवस्थामा भेटिएका पुरुषको मृत्यु भएको छ ।

आइतबार दिउँसो साढे २ बजेतिर विजयपुर खोलामा बेहोस् अवस्थामा उनलाई फेला पारिएको ईलाका प्रहरी कार्यालय डाँडाको नाकका प्रमुख प्रहरी नायव उपरिक्षक गोविन्द पुरीले जानकारी दिए ।

मृत्यु हुनेमा पाल्पा जिल्ला जुगेपानी गाउँपालिका वडा नं. ७ घर भई पोखरा पृथ्वीचोक डेरा गरी बस्ने जोगलाल बिक रहेको खुलेको छ । ट्याक्सी ड्राईभरले डुबेको देखेपछि प्रहरीलाई खबर गरिएको थियो । ५५ वर्षीय उनलाई तुरुन्त  उपचारका लागि पश्चिमाञ्चल क्षेत्रीय अस्पताल ल्याईएकोमा अस्पतालले मृत घोषणा गरेको गरेको प्रहरीले जनाएको छ ।

प्रारम्भिक अनुसन्धानमा नुहाउन गएको बेला डुबेको हुनसक्ने खुलेको छ । बिक बस पनि चलाउने बुझिएको छ । मृतकका आफन्त सोमबार आउने र थप विवरण दिन सकिने प्रहरीले जनाएको छ ।