पोखरा, २९ माघ पोखरास्थित मणिपाल शिक्षण अस्पतालमा एमबिबिएस पढ्दै गरेकी २१ बर्षीया दीपना उप्रेतीको पदयात्राबाट फर्किने क्रममा खोँचमा खस्न पुगी मृत्यु भएको छ।
बिहीबार ६ जना साथीहरुसहित कास्कीको मर्दी हिमाल क्षेत्रमा पदयात्रामा गएकी दीपना फर्कने क्रममा माछापुच्छ्रे गाउँपालिकाको वडा नंं ९ देउराली हाइक्याम्पस्थित खोँचमा खसेर वेपत्ता भएकी थिइन्। बाटोबाट करीब १ सय ५० मिटर तल खस्न पुगेकी उनको शव वडा प्रहरी कार्यालय वगरका प्रहरी निरीक्षक दुर्गा श्रेष्ठको नेतृत्वमा प्रहरी, स्थानीयको सहयोगमा आइतबार बिहान निकालिएको थियो।
साथीहरुसँग हिँडिरहेकी दिपना बाटो भिराएर बेपत्ता भएकी थिइन्। साथीहरुलाई आफूले बाटो बिराएको जानकारी गराएको केही समयमा उनी वेपत्ता भएकी थिइन्। साथीहरुले घटना लगत्तै धम्पुस प्रहरीलाई जानकारी गराएका थिए। रातको समय र निकै अप्ठ्यारो खोँचमा बेपत्ता भएकाले तत्काल उद्धारमा कठिनाइ भएको प्रहरीको भनाइ छ।
काठमाडौं महानगरपालिका–३ बसुन्धराकी स्थायी बासिन्दा दीपना एमबीबीएस चौथो वर्षकी विद्यार्थी हुन्। उनको शवलाई आइतबार आफन्तले बुझेर काठमाडौँ लगिसकेको जिल्ला प्रहरी कार्यालय कास्कीका प्रवक्ता खड्कबहादुर खत्रीले जानकारी दिए।
सम्बन्धित खबर
गोरखामा कुवामा डुबेर एक वृद्धाको मृत्यु
स्याङ्जामा विद्यालय कोठामा बालयौन दुरुपयोग गरेको आरोपमा एकजना पक्राउ
गोरखामा आगलागी हुँदा तीन घर जलेर नष्ट
पूर्वऊर्जा राज्यमन्त्री रामजीप्रसाद शर्माको बागलुङमा अन्त्येष्टि
झोलुङ्गे पुलले यात्राअवधि छोटियो
प्रदेश प्रमुखबाट गण्डकी प्रदेशसभाको अधिवेशन आह्वान
यो पनि पढौँ
तनहुँमा बसबाट खसेर सहचालक पोखराका युवकको मृत्यु
पुम्दीकोट जाने बाटो अब एकतर्फी
गोवामा प्याराग्लाइडिङ गर्ने क्रममा दुर्घटना हुँदा नेपाली पाइलटसहित दुईजनाको मृत्यु
विद्यार्थी घटेपछि पर्वतका दुई क्याम्पस गाभिए