गण्डक न्युज पोखरा, १९ माघ । दुई वर्ष अघि प्रेस चौतारी पत्रकारिता पुरस्कार पाउँदा पाका पत्रकार निमदत्त सुवेदीले भनेका थिए ‘३१ वर्ष पत्रकारितामा मेरो यो पहिलो पुरस्कार हो ।’
राष्ट्रिय समाचार समिति, प्रदेश नं ४ नयाँ बजार पोखराका कार्यालय प्रमुख निमदत्त सुवेदीको कार्यालयमा कार्यरत कर्मचारीका तर्फबाट सोमबार बिदाइ गरिएको छ। अनवरत एउटा कालखण्ड नै बिताएका सुवेदी पत्रकारिताको जागिरबाट त बाहिरिएका छन् तर यो उमेरमा समेत युवा पत्रकार जस्तै सक्रिय उनलाई पेशालाई चट्टै बिर्सन भने कठिन नै होला ।
राष्ट्रिय समाचार समितिमा २०४१ साल पुस १६ गतेदेखि स्थायी सेवा प्रवेश गरेका सुवेदी उमेर हदका कारण सोमबार बाटै सेवाबाट निवृत्त भएका हुन् ।
पर्वत साविक ठानामौला गाविस (हाल फलेवास ८) मा २०१६ माघ १५ मा जन्मेका सुवेदी पोखरा ९ नयाँ बजार बस्दै आएका छन् । सेवा अवधिमा सुवेदीले राससको पोखरा कार्यालय सहित केन्द्रीय कार्यालय र तत्कालिन लुम्बिनी अञ्चल कार्यालयमा सेवा गरेका थिए ।
बिदाइ कार्यक्रममा उपसमाचारदाता वासुदेव पौडेलले कार्यालय प्रमुख सुवेदीले राससमा लामो समयसम्म पुर्याएको योगदान प्रशंसायोग्य भएको बताए। सहायक समाचारदाता हरि बास्तोलाले सेवाबाट निवृत्त भए पनि रासस प्रतिको मायालाई कायमै राख्न आग्रह गर्दै जीवनको सुस्वास्थ्य दीर्घायुको कामना गरे।
कार्यालय सहयोगी भोलानाथ पौडेलले कार्यालयको सेवाका क्रममा सुवेदीसँगको बसाइँका अनुभव व्यक्त गर्दै निवृत्त जीवनलाई अझै क्रियाशीलल बनाउन आग्रह गरे ।
कार्यालय प्रमुख निमदत्त सुवेदीले आफूले राससलाई सधैँ सवोर्परी राखेको बताउँदै भावी दिनमा अझै संस्थाको गरिमा र महत्व बढ्दै जाने उल्लेख गरे।
This will close in 3 seconds
सम्बन्धित खबर
डा. चैतन्य अधिकारीको ‘जुद्ध शमशेरका नाममा’ कविता सङ्ग्रह लोकार्पण
बैंक तथा वित्तीय क्षेत्रको समस्यामा प्रतिफल आउने गरी काम गर्छुः गोकर्ण कार्की
काम गर्न राम्रो टीम चाहिन्छ, त्यो हामीले लिएर आएका छौँः अर्जुन पोखरेल
‘नारामा युवा पटकपटक, नेतृत्वमा युवा यस पटक’ – सौगात थापा
गौथली सामुदायिक विकास केन्द्रको हरितालिका तीज मेला तथा खेलकुद समापन
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग