दुलेगौँडा, १० माघ । तनहुँको शुक्लागण्डकी वडा नं-३, वनकेवास्थित धारापानीमा मंगलबार भएको बस दुर्घटनामा घाइते एक जनाको ज्यान गएको छ ।

शुक्लागण्डकी-६ ब्यागन निवासी ३५ बर्षिय डोल माया थापा मधुको उपचारको क्रममा पोखरास्थित गण्डकी मेडिकल कलेजमा बुधबार मृत्यु भएको हो । अन्य घाइतेहरु चालक सुक बहादुर नेपाली (बुद्धि) , शुक्लागण्डकी-४ निवासी बर्ष ३४ की केशी माया गुरुङ र म्याग्दे गाँउपालिका-५ छाङ्पाटन निवासी बर्ष ४० का देव बहादुर थापा (गद्दु )को पोखरास्थित फेवासिटी अस्पतालमा उपचार भइरहेको छ ।

सामान्य घाइते म्याग्दे-५ का शिशिर राना बुधबार विहान उपचारपछि घर फर्किएका छन् । अन्य घाइतेहरु भने मंगलबार नै सामान्य उपचारपछि घर फर्किएका छन् ।

दुलेगौँडा-हर्कपुर मोटर मार्ग अन्र्तगत शुक्लागण्डकी-६ ब्यागनबाट दुलेगौँडा आउँदै गरेको ग १ ख ६८५३ नं को मिनिबस दुर्घट्नामा परेको थियो । दुर्घट्ना परी चालक सहित ६ जना घाइते भएका थिए । स ब्रेकफेल भएर दुर्घट्ना भएकोे प्रहरीले बताएको छ । बस सडकबाट २५ फिट तल खसेको थियो ।

बस खसेपछि सडक छेउमा भएका चिलाउनेका रुखहरुले अड्याएकाले ठुलो दुर्घटनाबाट जोगिएको स्थानिययको भनाई छ ।। साँघुरो कच्ची मोटर बाटोमा क्षमता भन्दा बढी यात्रु बोक्ने गर्दा दुर्घटनाको जोखिम बढ्दै गएको छ ।

(तनहुँका पत्रकार राजकुमार आलेको सहयोगमा)