पोखरा, माघ ६ । ४ नम्बर प्रदेशका प्रदेश प्रमुख बाबुराम कुवँर पोखरा आईपुगेका छन् । बुद्ध एयरबाट पोखरा झरेका उनलाई पोखरा एयरपोर्टमै क्षेत्रीय प्रशासक, प्रमुख जिल्ला अधिकारी, सुरक्षा लगायत सम्बन्धित कार्यालयका प्रमुख तथा उच्च पदस्थ ब्यक्तिहरुले स्वागत गरे ।
पोखरा झर्ने वित्तिकै उनले जलविद्युत र पर्यटन विकासका लागि आफुले ४ नम्बर प्रदेश रोजेको बताएका छन् ।
प्रदेश नं ४ को पहिलो प्रदेश प्रमुख बाबुराम कुँबर । अर्घाखाँची सन्धिखर्क नगरपालिका वडा १ थुमकोटमा बुबा भिमबहादुर कुँवर र आमा देवकी कुँवर सन्तानका रुपमा २०१७ साउन १० गते जन्मिएका हुन् कुवँर। एमए, एलएलएमसम्मको अध्ययन पुरा गरेका कुँबर सुशील कोइराला प्रधानमन्त्री हुँदा महान्याधिवक्तामा नियुक्त समेत भएका थिए।
२०३३ सालमा अर्घाखाँचीकै जनज्योती ब्यवसायीक मावि सन्धीखर्कबाट एसएलसी पास गरेका उनी २०३४ सालमा पिएन क्याम्पसमा कानुन बिषय बिषय पढ्नका लागि भर्ना भए । उनी पिएन क्याम्पसको कानुन बिषयमा पहिलो ब्याच समेत हुन् । २०३४ सालमा काठमाण्डौं हानिएपछि कुवँरले त्रिभुवन विश्वविद्यालयबाट राजनीति शास्त्रमा स्नातकोत्तर कानुनमा एलएलएम पास गरे । नेपालमा पहिलो पटक एलएलएम सुरु हुँदा उनी पहिलो विद्यार्थी थिए ।
काठमाण्डौंको छाउनीमा बस्दै आएका उनी सिनियर एडभोकेटको रुपमा अहिले पनि कार्यरत छन् । उनले संवैधानिक विवाद्सम्बन्धी मुद्दामा लामो समयदेखि बहस गर्दै आएका छन् । फौजदारी कानुनका विषयमा जानकार कुँवरले अन्य मुद्दामा पनि दख्खल राख्छन् । हाल उनी नेपाली काँग्रेसको कोटाबाट ४ नम्बर प्रदेश प्रमुखको रुपमा नियुक्त भएका छन् ।
‘असल अभिभावक बन्नेछु’
कानुन ब्यवसायी संगठन डेमोक्रेटिक लयर्स एसोसियसनका पूर्वअध्यक्ष समेत रहेका कुँवरले अब राजनीतिभन्दा माथि रहेर समग्र प्रदेशको वृहत्तर विकासका लागि अभिभावकको रुपमा भूमिका खेल्ने बताए।
आफ्नो क्षेत्रमा निरन्तर कर्तब्य निष्ठ भएर काम गरिरहँदा सरकारले प्रदेश प्रमुखको रुपमा योग्य ठानेर गरेको मूल्यांकनलाई आत्मसात गर्दै प्रदेश ४ को वृहत्तर विकास र समृद्धिका लागि आफ्नो भूमिकामा दत्तचित्त भएर लाग्ने उनले बताए।
हाल काठमाडौं महानगरपालिका वडा १५ छाउनीमा बस्दै आएका कुँवरले यसअघि सर्वोच्च अदालतको न्यायाधीश हुने अफर लगायत अन्य अवसर आए पनि आफू इच्छुक नभएको बताए।
संघीय नेपालको पहिलो प्रदेश प्रमुखको नियुक्तिलाई एउटा ऐतिहासिक अवसरको रुपमा ग्रहण गरेको उल्लेख गर्दै उनले भने, ‘यो अवसरसँगै चुनौती पनि हो। नयाँ संरचनामा देखिने असहज परिस्थितिलाई सामना गर्न तयार छु।’ एउटा कानुनको क्षेत्रबाट यो स्थानसम्म आइपुगेको भन्दै ब्यक्तिको नभई विधिको शासनबाट मात्र आफू चल्ने उनले बताए।
आफू जन्मेको अर्घाखाँचिी संघीयता बाँडफाँडमा प्रदेश ५ मा परेपनि यस अघि पश्चिमाञ्चलभित्रै रहेकाले आफू जन्मेको, हुर्केको, खेलेको र शिक्षा आर्जन गरेको एउटा पवित्र भूमिका रुपमा यस क्षेत्रलाई लिएको उनले बताए।
उनले यस क्षेत्रको विकास र समृद्धिका लागि प्रदेश कार्यपालिकासँग नजिक असल अभिभावककोे भुमिकामा कर्तब्यनिष्ठ भएर काम गर्ने बताए। उनले भने, ‘विधिको शासन भनेको नै लोकतान्त्रिक पद्धतिको मेरुदण्ड हो, म संविधान प्रदत्त क्षेत्राधिकारभित्र रहेर नागरिकको पक्षमा आफ्नो भूमिकालाई सशक्त बनाउनेछु।’
This will close in 3 seconds
सम्बन्धित खबर
डा. चैतन्य अधिकारीको ‘जुद्ध शमशेरका नाममा’ कविता सङ्ग्रह लोकार्पण
बैंक तथा वित्तीय क्षेत्रको समस्यामा प्रतिफल आउने गरी काम गर्छुः गोकर्ण कार्की
काम गर्न राम्रो टीम चाहिन्छ, त्यो हामीले लिएर आएका छौँः अर्जुन पोखरेल
‘नारामा युवा पटकपटक, नेतृत्वमा युवा यस पटक’ – सौगात थापा
गौथली सामुदायिक विकास केन्द्रको हरितालिका तीज मेला तथा खेलकुद समापन
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग