गण्डक न्युज पोखरा, २२ मंसिर। कास्कीमा जारी मतगणना अनुसार कास्की क्षेत्र नं. १ पुर्व मन्त्री खगराज अधिकारीले सुरुदेखि नै अग्रता लिईरहेका छन् ।

प्रारम्भिक मतगणनामा कानुन मन्त्री यज्ञबहादुर थापा, अधिकारी भन्दा ८ सय १७ मतान्तरले पछि परेका छन् । अधिकारीले १ हजार ४ सय ३४ मत पाउँदा थापाले ६ सय १७ मत पाएका छन् ।

कास्कीमा निर्वाचन क्षेत्र नं १ मा वामगठवन्धनको तर्फवाट पूर्व स्वास्थ्य मन्त्री समेत रहेका नेकपा एमालेका खगराज अधिकारी र नेपाली काँग्रेसका तर्फवाट कानुन तथा न्यायमन्त्री यज्ञवहादुर थापा प्रतिष्पर्धामा छन् ।

त्यसैगरी, एकिकृत राप्रपा राष्ट्रवादीवाट सञ्जय कार्की, संघीय समाजवादी फोरमवाट मनवहादुर गुरुङ,राष्ट्रिय जनमोर्चावाट मदनमुरारी घिमिरे, नयाँ शक्तिपार्टीवाट सौगात पोखरेल,नेपाली काँग्रेस (विपी) चन्द्र वहादुर रानाभाट, देशभक्त जनगणतान्त्रिक मोर्चावाट टेकवहादुर गुरुङ , विवेकसिल साझाका दिपक पौडेल, मंगोल नेशनल अर्गनाईजेशनवाट रियाल गुरुङ, आमुल परिर्वतन मसिया पार्टीबाट पदमवहादुर गुरुङ, नेपाल दलित पार्टीबाट राजु परिवार तथा स्वतन्त्र ज्ञानेन्द्र बहादुर कार्की उम्मेदवार छन् ।