पोखरा, मंसिर १५ / राष्ट्रिय खेलकुद परिषदका सदस्य फत्त बहादुर गुरुङलाई शुक्रबार परिषद सदस्यबाट निलम्वन गरेको छ ।

गैर खेलाडीहरुलाई खेलाडी बनाएर अवैध तरिकाले बिदेश लैजान्छु भन्दै पैसा उठाएर फिर्ता नगरेको भन्ने समाचार सिधा कुरा जनतासँगमा  रहस्य बाहिरिएपछि गुरुङलाइ निलम्वन गरिएको परिषदले जनाएको छ ।

सिधा कुरा जनतासँग कार्यक्रममा विदेश पठाईदिने भन्दै खेलाडीलाई ठगी गर्ने रहस्य बाहिरिएको थियो । हेर्नुहोस् कार्यक्रम ।

राष्ट्रिय खेलकुद परिषदका प्रेस सल्लाहकार रोहित दाहालले गुरुङको स्पष्टिकरणमा चित्त नवुझे पछि परिषदले उनलाई निलम्वन गरेको बताएका छन । उनलाई परिषदको छानविन समितीको निर्णय नआउँदा सम्म निलम्वन गरिने भएको दाहालले बताए ।

उनलाई कार्वाही गर्न खेलाडी संघ र खेलकुदका विभिन्न संघ संस्थाहरुले परिषदमा दबाब समेत दिंदै आएका थिए । तर यस बारेमा उनी संग बुझ्न खोज्दा आफूलाई फसाइएको बताएका छन ।

पोखरामा सितेरियो करातेका सहायक प्रशिक्षक बाट परिषद सदस्यमा नियुक्त भएका गुरुङ सदस्यमा रहँदा यस क्षेत्र बाट खेलकुदका लागि उल्लेखिय काम समेत गर्न नसकेको बताइन्छ ।