राजन उपाध्याय तनहुँ, १४ मंसिर / शुक्लागण्डकी–४ दुलेगौडाकी अञ्जिता गुरुङले नेपाल प्रहरी र नेपाली सेनामा एक एक पटक आवेदन दिइन् । छनोटका विभिन्न चरण पूरा गरेकी २२ वर्षीया अञ्जिताले अन्तिममा लिखित परीक्षा उत्र्तीर्ण हुन सकिनन् ।
सुरक्षा निकायमा जागिर खाएर देशको सेवा गर्ने इच्छा दुबै पटक पूरा हुन सकेन् । सोही चाहनालाई पूरा गर्न उनले प्रतिनिधि र प्रदेश सभा निर्वाचनका लागिे म्यादीमा आवेदन दिइन् । स्थानीय तहको निर्वाचनमा पनि छनोट भई अनुभव संगालेकी उनले भनिन ‘खेर गएको समयलाई सदुपयोग र देशको सेवाका लागि फेरि आए ।’ उनी हाल इलाका प्रहरी कार्यालय बेलचौतारामा म्यादी प्रहरीको रुपमा कार्यरत छन् ।
यसपटकको निर्वाचनमा अञ्जिता मात्र आइनन् उनले दिदीहरु सपना गुरुङ र मुनिमाया गुरुङलाई पनि खबर गरिन् । दुबै दिदीहरु म्यादीमा उत्र्तीर्ण भएपछि उनीहरु अहिले एकै ठाउँमा कार्यरत छन् । दुबै दिदीहरुको विवाह भइसकेको छ । तीनैजना एकै ठाउँमा काम गर्न पाउँदा घरमै भए जस्तो लाग्ने गरेको अञ्जिताकी जेठी दिदी सपनाले सुनाइन् । पहिलो पटक म्यादीमा आएकी उनले भनिन ‘शुरुमा प्रहरीको अनुशासनमा रहन अलि अप्ठ्यारो महसुस हुँदोरहेछ, पछि विस्तारै बानी पर्दै गयो, अहिले सहज भएको छ ।’
इलाका प्रहरी कार्यालय बेलचौतारामा कुल २७ जना महिला कार्यरत छन् । ती मध्ये शुक्लागण्डकी–४ दुलेगौडाका तीन दिदीबहिनी म्यादीमा रहेर प्रहरीलाई सहयोग गरिरहेका छन् । कान्छी बहिनी सपना गुरुङको प्रहरी र सेनामा जाने सपना पूरा नभएपछि म्यादीको अनुभव लिँदैछन् । अनुभव पनि हुने र कमाइ पनि हुने भएकाले आफूहरू आकर्षित भएको उनीहरुको भनाइ छ । म्यादीको अनुभवले सेना प्रहरीमा जागिर खान सजिलो हुने धेरैको बुझाइ छ ।
इलाका प्रहरी कार्यालय, बेलचौताराका प्रमुख प्रहरी निरिक्षक राजेन्द्र अधिकारीले महिलाहरु बढी अनुशाशित हुने बताए । भर्ना पश्चात १२ दिनको तालिम लिएर उनीहरुलाई कार्यस्थलमा खटाइने गरिएको छ । ‘म्यादीको काम, कर्तव्य, जिम्मेवारी, लाठी चलाउने, सलाम ठोक्ने लगायतका आधारभूत विषयको प्रशिक्षण दिइएको छ ’अधिकारीले भने ।
त्यसपछि निर्वाचन अघिसम्म पैदल गस्ती, गाडी मोबाइल, पिकेट (स्थायी रुपमा हेर्ने ठाउँ ), चेकिङ मा प्रहरीलाई सहयोग गर्ने उनले जानकारी दिए । प्रहरी निरीक्षक अधिकारीले करिब दुई महिनाको अवधिमा म्यादीले ‘सामूहिक जिम्मेवारी’ सिक्ने बताए ।
गृह मन्त्रालयले निर्वाचनमा सुरक्षाका लागि देशभर म्यादी प्रहरी भर्ना गरेको छ । तनहुँमा १ हजार ८४ जना म्यादी छन् । यस मध्ये २ सय १६ महिला छन् । कात्तिक १२ गते भर्ना गरिएको उनीहरुको समय ५५ दिनको छ । सरकारले विगतमा पनि म्यादी प्रहरीलाई ‘भविष्यका लागि उपयोगी’ प्रमाणपत्र दिँदै आएको छ ।
उनीहरू सबैको अभिलेख राखिने गरिएको छ । म्यादी प्रहरीले तालिम लिएपछि नेपाल प्रहरीको जवानसरह तलब, पोसाक र रासन पाउनेछन् ।
This will close in 3 seconds
सम्बन्धित खबर
डा. चैतन्य अधिकारीको ‘जुद्ध शमशेरका नाममा’ कविता सङ्ग्रह लोकार्पण
बैंक तथा वित्तीय क्षेत्रको समस्यामा प्रतिफल आउने गरी काम गर्छुः गोकर्ण कार्की
काम गर्न राम्रो टीम चाहिन्छ, त्यो हामीले लिएर आएका छौँः अर्जुन पोखरेल
‘नारामा युवा पटकपटक, नेतृत्वमा युवा यस पटक’ – सौगात थापा
गौथली सामुदायिक विकास केन्द्रको हरितालिका तीज मेला तथा खेलकुद समापन
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग