पोखरा : पोखरा नगरक्षेत्र भित्र सञ्चालन हुँदै आएका नगर बसका चालक र सहचालक आन्दोलनमा उत्रिएका छन्।
आफुखुशी मनलाग्दो सडकमा सवारी सञ्चालन गर्दै आएका चालक र सहचालकलाई ट्राफिक प्रहरीले कडाई गर्न थालेपछि बस चलाउन छाडेर उनीहरु आन्दोलनमा उत्रिएका हुन्।
नगर बसका चालक र सहचालकले लामो समयदेखि सवारी नियम बिपरित बीच सडकमै बस रोकी यात्रुलाई झार्ने र चढाउने गर्दै आएका थिए। तर,सरोकारवालाहरुले धेरै गुनासो गर्दै ट्राफिक प्रहरीलाई कारबाहीका लागि आग्रह गर्दै आएका थिए।
पोखराको ट्राफिक व्यवस्थापन र सरोकारवालाहरुको आग्रहपछि ट्राफिक प्रहरीले कडाई गर्न थालेपछि उनीहरु आन्दोलित भएका हुन्।
ट्राफिक प्रहरीले मेहन्द्रपुलदेखि चिप्लेढुङ्गातर्फ बस सञ्चालन गर्न नदिएको र न्युरोडमा बस रोकेर यात्रु ओराल्दा पनि ट्राफिक प्रहरीले चिट काट्ने गरेकाले आन्दोलनमा उत्रिनुपरेको उनीहरुले बताएका छन्।
उनीहरुले बिहान ११ बजे पोखराको न्युरोडमा बस रोकेर विरोध सुरु गरेका हुन्। सहचालक धन तामाङले बस रोकेर यात्रु झार्दासमेत चिट काट्ने गरेको बताए। उनले ट्राफिक प्रहरीले अचाक्ली गरेको आरोपसमेत लगाए।
सम्बन्धित खबर
पोखराका अरुण गिरी राप्रपा केन्द्रीय सदस्य मनाेनित
संविधान दिवस : सहिदचोकमा दीप प्रज्वलन
गण्डकीका भौतिक पूर्वाधार मन्त्री केसीले गरे चौर अम्बोट झोलुङ्गे पुलको उद्घाटन
प्रदेशका समस्या बोकेर गण्डकीका स्वास्थ्यमन्त्री सिंहदरबारमा
संविधान दिवस : स्याङ्जामा रक्तदान तथा फलफूल वितरण
स्याङ्जामा संविधान दिवस तीन दिन मनाइने
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग