विश्व सुन्दरी प्रतियोगितामा नेपालले पछिल्लो समय लगातार सहभागिता जनाईहेको छ । तर नेपालले कुनै उपलब्धि भने हासिल गर्न सकेको छैन । यसपटक पनि त्यस्तै भयो तर नेपालले जति हासिल गर्यो त्यो तारिफयोग्य नै छ ।
नेपालको तर्फबाट मिस वर्ल्ड-२०१७ मा सहभागीता जनाइरहेकी मिस नेपाल निकिता चाण्डक ‘हेड टु हेड च्यालेन्ज’मार्फत उत्कृष्ट ४० मा प्रवेश गरेकी थिइन् । चीनको सान्यास्थित सान्या सिटि एरेनामा भइरहेको मिस वर्ल्डमा नेपाली प्रतियोगीले पाएको यो सबैभन्दा ठूलो उपलब्धी पनि हो ।
उसो त मारवाडी समुदायकी चण्डक मिस नेपाल भएकै दिन उनलाई धेरैले मजाक उडाए । मिस नेपाल अनुहारको आकारप्रकारसँग दाँज्दा निती शाहसँग तुलना गर्दै उनलाई मजाक उडाईयो । गत साता निकिता मिस वल्र्डमा सहभागी भएदेखि नै विभिन्न ठूला पेजहरुले ट्रोल नै बनाएर खिसिट्यारी गरे । जब उनले सिधै टप ४० मा स्थान बनाईन्, त्यसपछि विस्तारै लाजले उनीहरु पछि हटे । सबै पेजले मजाक उडाएको भने थिएन । पिपल्स डेली नेपाल, पोखरा लगायत पेजमा भोटका लागि क्याम्पेन नै चलाएको थियो ।
तीन दिन अघि मात्रै मिस नेपालमा वाहवाही कमाएकी निती शाहकै विरोध भयो । हिजो उनको वाहवाही गर्नेहरु विरोधमा उत्रिए । अस्ति निकिता चण्डकलाई मजाक उडाउनेहरु आज फेरि ब्युटी विथ ब्रेन भन्न थाले । नेपालीहरु हतारमा उचाल्ने र हतारमै खसाल्ने प्रवृत्ति यो भन्दा राम्रो उदाहरण अरु देखिएन ।
विभिन्न राष्ट्रका ११८ जना सुन्दरीहरुमध्ये भोटिङ सिष्टमको आधारमा उत्कृष्ट १० मा पर्न सफल भइन् । निकिता ‘पिपुल्स चोइस अवार्ड’को उत्कृट दश र ‘मल्टिमिडिया’ विधाको उत्कृष्ट ८ मा पनि पर्न सफल भइन् । टप मोडल विधामा उनी उत्कृष्ट ३० भित्र परेकी थिइन् । तर यो विधाको विजेता नाइजेरियाकी सुन्दरी भइन् ।
‘ब्युटि विथ पर्पस’ नामक अर्को विधामा उनी उत्कृष्ट २० मा परेकी थिइन् । उनले नेपाली महिलाले महिनावारीको समयमा भोग्नुपरेका विषय, छाउपडी प्रथालाई समेटेकी थिईन् । हेर्नुहोस्:
सन् २०१३ मिस नेपाल ईशानी श्रेष्ठको दाँतको हेरचाह सम्बन्धी रिपोर्ट प्रथम हुन सफल भएको थियो । यो पहिलो र एकमात्र अवार्ड हो ।
हेर्नुहोस् ईशानीको भिडियो
भारत हरियाणाकी मानुषी छिल्लर ‘मिस वर्ल्ड २०१७’ बन्न सफल भएकी छिन् । चीनको सान्यामा भएको ‘मिस वर्ल्ड’को ६७ औं संस्करण, अर्थात ‘मिस वर्ल्ड २०१७’ को फाईनल राउण्डमा मानुषीले दिएको जवाफले उनलाई विजयी बनाएको हो ।
‘संसारमा सबैभन्दा बढी मुल्य तिर्नुपर्ने काम कुन हो ?’ भन्ने प्रश्नमा टप फाईभ मध्येकी मिस इन्डिया मानुषीले ‘आमाले बच्चाहरु र घरको लागि गर्ने काम’ भनि जवाफ दिएकी थिईन् । उनले यो जवाफ दिईरहदा दर्शकदिर्घामा बसेकी उनकी आमा पनि निकै खुशी देखिएकी थिईन् । उनले आमाको महत्व र महिमाको बारेमा निकै गहकिलो जवाफ प्रस्तुत गरिन् ।
त्यस्तै ‘मिस वर्ल्ड २०१७’ को फर्स्ट रनरअप र सेकेन्ड रनरअप क्रमश मेक्सिकोकी एन्डेरा मिजा र बेलायतकी स्टेफिनी हिल भएका छन् ।
This will close in 3 seconds
सम्बन्धित खबर
गुमनाम विष्णु माझीले तीज गीत ल्याउँदै भनिन् – ‘आइन आमा यो तीजैमा’ [भिडियो]
‘यो देशमा बसेर दिन गन्ने मात्रै हो’ [भिडियो]
अनमोल र जसिताको ‘अन्तिम माया ‘ [भिडियो]
२१ वर्ष पछि लोकेन सुब्बाले ल्याए ‘कान्छी’ [भिडियो]
‘महाजात्रा’ को दोस्रो गीत ‘मुरी मुरी साथी’ सार्वजनिक (भिडियो)
मदन र मायाको `पिरैले सुकाउँछ ज्यान´ सार्वजनिक [भिडियो]
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग