काठमाडौं प्रहरीले निर्माण व्यवसायी महासंघका अध्यक्ष शरदकुमार गौचनको हत्यामा संलग्न ५ जनालार्इ पक्राउ गरेको छ।
मंगलबार सुटर राजिव स्याङताङ, सिबजि महतो, मुकेश कुमार पाण्डे, सन्तोष गुरुङ र प्रकाश बुढाथोकीलार्इ सार्वजनिक गरिएको हो ।
त्यस्तै समिरमान बस्नेत, मनोज पुन सहित ६ जना फरार रहेको प्रहरीले जनाएको छ । “भारतबाट मोटरसाइकल चोरी गरेर नेपालमा ल्याएर हत्यामा प्रयोग गरिएको देखियो । हत्या लगत्तै सुटरहरू मोटरसाइकलमा भागेका थिए ” एआइजि जयबहादुर चन्दले भने ।
फरार समिरमान हत्याको कमान्डर, मनोज पुन योजनाकार रहेको र लोप्साङ तामाङले गंगा लिङदेन, श्यामबहादुर गुम्बे, सुटर अम्बरबहादुर राना, भगौडा आर्मी रोशन बुढाथोकी र अजय थापालगायतलार्इ परिचालन गर्न जिम्मा लिएका थिए ।
गौचनको गत असोज २३ गते बानेश्वरमा गोली हानी हत्या गरिएको थियो। गोलीबाट घाइते बनेका उनलाई तत्काल सिभिल अस्पताल पुर्याइए पनि चिकित्सकले मृत घोषित गरेका थिए।
पुल्चोकस्थित इन्जिनियरिङ कलेजमा अध्ययन गरेका उनी डाँफे कन्स्ट्रक्सनका सञ्चालक थिए। निर्माण व्यवसायी महासंघको पछिल्लो अधिवेशनबाट उनी अध्यक्षमा चयन भएका थिए। मोटरसाइकलमा आएका दुई व्यक्तिले उनीमाथि गोली प्रहार गरी भागेका थिए। के कारणले हत्या गरेको भन्ने अनुसन्धान भईरहेको जनाईएको छ ।
सम्बन्धित खबर
कीर्तिपुर जग्गाको साइनो ललिता निवाससँग छैन – शंकर पोखरेल
रास्वपा अनुशासन आयोगका उपप्रमुखले दिए पदबाट राजीनामा
भोलि र पर्सि बालबालिकालाई भिटामिन ‘ए’ र जुकाको औषधि खुवाइँदै
प्रधानमन्त्री दैवी प्रकोप उद्धार कोषमा पौने दुई अर्ब रकम जम्मा
चोभारको आदिनाथ मन्दिरमा एक महिने मेला शुरु
यस वर्षको बडादशैँ सकियो
यो पनि पढौँ
टीकाको अघिल्लो दिन जब छोराको शव आयो …
दुई साताअघिकाे संकटमा सयौँलाई जोगाएका सशस्त्र प्रहरी निरीक्षक बडुवाल आफै अस्ताए
पोखराको हेम्जामा यात्रु चढाइरहेको बसलाई टिप्परले ठक्कर दियो
दशैंमा तनहुँ ससुराली आएका ज्वाईंको मादीले बगाएर मृत्यु