पोखरा । असावधानीले पोखराका फेवाताल, बेगनासताल, फुस्रेखोला, फेवाताल ड्याम, सेती लगायतका क्षेत्रमा वर्षेनी दर्जनौंले अकालमा ज्यान गुमाईरहेका छन् ।
काठमाण्डौ ताहाचलबाट दिदीसहित पोखरा घुम्न आएका १९ बर्षीय रोजन श्रेष्ठ प्याडल बोर्डबाट सेल्फि खिच्न खोज्दा फेवातालमा सोमबारदेखि डुबेर बेपत्ता छन् । पूर्वान्ह साढे १० बजेतिर डुबेका उनको अवस्था अझै थाहा हुन सकेको छैन ।
यसअघि, गत जेठ १३ गते रामेछाप घर भई भक्तपुर बस्ने सुप्रिल लामा बेपत्ता भए । उनी १० दिनपछि मृतावस्थामा भेटिए । जेठ १३ गते दिउँसो साढे तीन बजेतिर आफ्ना चार साथीहरुसँगै फेवातालमा आफै डुंगा चलाएर घुमिरहेका बेला चट्याङ पर्दा सुप्रिल तालको बीच भागमै डुबेका थिए । उनले लाइफ ज्याकेट राम्ररी नलगाउँदा फेवाताल बीचमै डुबे । त्यसअघि, चैत २२ गते शुक्लागण्डकी, दुलेगौंडा निवासी ३१ बर्षिय राजु गुरुङ पनि तालबाराही मन्दिर परिक्रमा गर्दा डुंगाबाट फेवातालमा खसेका थिए ।
ठीक सुप्रिल डुबेकै ठाउँमा रोजन बेपत्ता भएको वडा प्रहरी कार्यालय बैदामका प्रमुख डिएसपी नविन कार्कीले जनाए । लाईफ ज्याकेट विना सेल्फी खिच्न खोज्दा तालमा डुबेर बेपत्ता भएको प्रत्यक्षदर्शीलाई उद्दृत गर्दै प्रहरीले जनाएको छ । डिएसपी कार्कीको नेतृत्वमा रेस्क्यु टिमले सोमबार वेपत्ता भएका श्रेष्ठको खोजि गरे पनि साँझसम्म भेटाउन नसकेको प्रहरीले जनाएको छ । मंगलबार पनि नेपाली सेना, सशस्त्र, प्रहरीको विशेष टोलीले तारजालीको सहायतामा खोजी कार्य जारी राखेको कार्कीले जनाए ।
रोजनले एक जना मात्र शयर गर्न मिल्ने डुंगा लिएर तालमा होमिएका थिए । तालको बीच भागतिर पुगेर लाईफ ज्याकेट खोलेर आफु शयर गरेको प्याडल बोर्डमा राखेर फोटो लिन खोज्दा उनी एक्कासी घोप्टिएको प्रत्यक्षदर्शीको भनाई छ ।
फेवाताल, बेगनासताल लगायतका तालमा शयर गर्दा अनिवार्य रुपमा लाईफ ज्याकेट लगाउनु पर्ने नियम छ तर कतिले आफै लापरबाही गर्छन् भने बेगनास तालमा आवश्यक ज्याकेट समेत डुंगा समितिले नदिने आरोप लाग्दै आएको छ ।
प्याडल बोर्डबाट फेवातालमा डुबेर वेपत्ता भएको यो पहिलो घटना हो । फेवाताल, बेगनासताल लगायतका तालमा डुंगा शयर गर्दा होस् वा प्याडल बोर्ड, कायाकिङ शयर गर्दा अनिवार्य लाईफ ज्याकेज लगाउन आवश्यक छ । प्रायः घटना यस्तै असावधानीले भइरहेका छन् ।
http://gandaknews.com/supril-sab/
This will close in 4 seconds
सम्बन्धित खबर
प्रतिभा सुपर लिग क्रिकेट सुरू, प्रतिभा र बाल मन्दिरको विजयी सुरूवात
पुलिसलाई हराउँदै न्यू डायमण्डले जित्यो टाइगर कपको महिलातर्फको उपाधि
होराइजन क्लब वालिङ्ले जित्यो २६ औं आदर्श कप
प्रेस चौतारी पत्रकारिता पुरस्कार रामजीलाई, विष्णुलाई सम्मान
पोखराका पत्रकारद्वय धन र सागरलाई टंकादेवी–तुलसीप्रसाद पत्रकारिता पुरस्कार
प्रतिभा माविमा गणित हाजिरीजवाफ
यो पनि पढौँ
स्याङ्जाको बैंकमा सुरक्षा गार्डमाथि चक्कु प्रहार, एक युवक पक्राउ
प्रतिभा माविमा गणित हाजिरीजवाफ
कान चुँडाएर सुन लुट्ने गिरोह पक्राउ, मुख्य नाइके जेन-जी आन्दोलनमा हिरासतबाट भागेका तामाङ
सुनकाे मूल्य आज घट्यो