पोखरा । तनहुँ भिमाद ५ की रेजिना गैरे यतिखेर भाव विह्वल छिन् । उनले अप्रत्यासित घटनामा आमा जमुना गैरे र ५ वर्षीय भाइ रञ्जितलाई गुमाएकी छन् । आमा जमुनाको शव पोष्टमार्टमका लागि पश्चिमाञ्चल क्षेत्रीय अस्पतालमा राखिएको छ भने तालमाडुबेकाभाइको पूर्वान्ह ११ बजेतिर मात्रै शव भेटियो ।
अस्पतलामा रुवावासी गरिरहेको अवस्थामा भेटिएकी रेजिना घरकी जेठी छोरी हुन् । उनकी अर्की बहिनी रञ्जिता छिन् । आमा र भाइ दिउँसो मामाघर जान भनी हाँसी खुसी बिदा भएकोमा दिउँसो आफन्तबाट उनले आमा, भाइ लगायत सवार डुंगा तालमा डुबेको सुनेपछि छाँगाबाट खसेझैं भइन् ।
आफन्तहरु उनलाई सम्झाउने प्रयासमा थिए । नजिकै रहेका बाबु रामबाबु गैरे इन्तु न चिन्तु देखिन्छन् । श्रीमती र धेरै पर्खाईमा पाएका एकमात्र छोरा गुमाएका उनी पनि बोल्न सक्ने अवस्थामा छैनन् ।
आफन्त गोविन्द भण्डारीले तालमा लाइफ ज्याकेट नलगाई डुंगा चढ्न दिँदा यसरी ज्यानै गएको भन्दै रोष प्रकट गरे । उनले यो घटना भएपछि आगामी दिनमा घटना हुन नदिन प्रशासनले ध्यान पु¥याउनुपर्ने बताए ।
बेगनास तालमा शनिबार मध्यान्ह डुंगा पल्टिँदा जमुना र रञ्जित सहित ८ जनाको ज्यान गयो । रञ्जित लगायत नवलपरासी जिल्ला गैंडाकोटका ३२ वर्षीय रवि खनाल, उनका दुई छोराहरु ७ वर्षीय शंकर र ८ वर्षीय शिव, पोखरा बागलुङ बसपार्ककी १८ वर्षीया मनिषा बजगाईं, ५ वर्षीय प्राचीन पौडेलको शव आइतबार विहान साढे १० देखि १२ बजेसम्ममा तालबाट निकालिएको थियो । ३७ वर्षीया जमुना सहित पोखरा २८ कालिकाकी ५१ वर्षीया कृष्णकुमारी बजगाईंको शनिबार नै मृत्यु भएको थियो ।
http://gandaknews.com/begnas-final-update/
सम्बन्धित खबर
द्वितीय युद्धकालीन उपन्यास ‘खोजीमा’ पोखरा आइपुग्यो
पोखरामा धुवाँको कालो मुस्लो फ्याँक्ने ११ गाडी नियन्त्रण
गण्डकीका मुख्यमन्त्री अधिकारीको २३ गते विश्वासको मत लिने तयारी
सूर्य दर्शन सहकारीका दुई जनालाई थुनामै राख्ने आदेश सदर
पोखराको बिजुली पसल गोदाममा आगलागी हुँदा ८० लाख बढीको क्षति
पोखरामा छोरीसँग झगडा गरेको भन्दै युवतीमाथि हतियार प्रहार गर्ने स्याङ्जाका सोम प्रकाउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग