पोखराबाट आधिकारिकताका साथ सञ्चालित गण्डकन्यूज डटकमका पत्रकार अश्विन दानीमाथि सुरक्षाकर्मीले दादागिरी देखाए । नेपाली सेनाका अधिकृत र नेपाल प्रहरीका जुनियर अधिकृत लगायतको टोलीले मिडियाको हुँ भन्दा भन्दै पनि दुव्र्यवहार गरी मोबाइल खोसे ।

शनिबार बिहान ट्रेड मल नजिकै भेटिएको शंकास्पद वस्तु डिस्पोज गर्ने तयारी गरिरहेको बेला अफिसियल पेजमार्फत प्रत्यक्ष प्रसारण गरिरहेका दानीलाई नेपाली सेनाका क्याप्टेन र नेपाल प्रहरीका प्रहरी नायव निरीक्षक (सई) शुशिल घिमिरे सहितका टोलीले हातपात र दुव्र्यवहार गरेको हो । सो कुरा भिडियोमा स्पष्ट छ । पत्रकार दानी सहितका पत्रकारहरु रिपोर्टिङका लागि पुगेका थिए । घटनापछि नेपाल पत्रकार महासंघ कास्कीले विरोध गरेको छ । प्रहरीले गल्ती स्विकार गर्दै अब कमजोरी हुन नदिने बताएको छ ।

घटनापछि नेपाल जिल्ला प्रहरी कार्यालय, कास्कीका प्रमुख प्रहरी उपरीक्षक ओम रानाले कमजोरी भएको स्विकार गरेका छन् । कास्की प्रहरी पत्रकार विरुद्ध दादागिरी शैलीमा प्रस्तुत भईरहेको तर्फ ध्यानाकर्षण गराउने क्रममा उनले गण्डकन्यूजसँग भने – पहिले आर्मीबाटै भएको रहेछ भन्ने सुनेँ । हाम्रोबाट भएको कमजोरी हामी स्विकार्छौं । करेक्शन गर्छौं । गल्ती भएको हो । यस्तो हुनुहुँदैन ।’

सईं शुशिल घिमिरे वडा प्रहरी कार्यालय बैदामका हुन् । त्यस कार्यालयको नेतृत्व गर्ने डिएसपी कोमल शाहलाई यस घटनाबारे जानकारी गराउँदा कुनै पनि मिडियाकर्मीलाई नराम्रो व्यवहार गर्नुहुन्न भन्नेमा आफू सचेत रहेको बताए । यस घटनाबारे म बुझ्छु ।

सेना आफ्नो कमजोरी लुकाउन चाहन्छ

अस्ति वैशाख ५ गते पोखराका धेरै ठाउँहरुमा शंकास्पद वस्तु भेटिए । पोखराको नदीपुर स्थित प्रदेशसभा भवन नजिकै भेटिएको वस्तु निष्तेज पार्ने क्रममा एक सेनाका अमल्दार घाइते भए । बम डिस्पोज गर्न पुगेका कालिभञ्जन गणका धर्मबहादुर थापाको हातमा चोट लाग्यो । र उनलाई उपचारका लागि काठमाण्डौ लगियो ।

त्यसकारण पनि सेनाले मिडियालाई फोटो र भिडियो खिच्न नदिने मनस्थिति बनाएको हो । विश्वस्त श्रोतले भन्योः यस्ता बम नै हो कि होइन ? भन्ने खालका वस्तु डिस्पोज गर्ने क्रममा डिस्पोज गर्ने टोलीमै क्षति पुग्नु भनेको आफ्नै असावधानीले हो । सेनाले आफ्ना कमजोरी कहाँ बाहिर आओस् भन्ने चाहन्छ र ? यस्तो कुरा लाइभ हुँदा आफू चुकेको कुरा अरुलाई थाहा हुन्छ । सुरक्षाका कारण पनि हो तर, यो भन्दा पनि सेनाले चाहिँ आफ्नो कमजोरी छोप्न नै हो ।’

पत्रकारमाथि सुरक्षाकर्मीको दादागिरी ! गण्डकन्यूज पत्रकार दानीमाथि हातपात र दुर्व्यवहार (भिडियोसहित)

http://gandaknews.com/asbin-dani-news/