पोखरा, १ वैशाख । पोखरा १३ स्थित कमलपोखरी जुनियर क्लबले आयोजना गरेको दोस्रो जुनियर कमलपोखरी कप—२०७५ यू–१९ सेभेन ए साइड फुटबल प्रतियोगिताको उपाधि अक्सफोर्ड एफसीले जितेको छ ।
आइतबार भएको फाइनल खेलमा रञ्जन मेमोरियल क्लबलाई २—० गोलले पराजित गर्दै अक्सफोर्डले उपाधि सहित ४२ हजार २ सय २२ रुपैँया हात पार्न सफल भयो । उपविजेतामा चित्त बुझाएको रञ्जन मेमोरियलले २२ हजार २ सय २२ रुपैँयाका साथमा दुवै टीमले शिल्ड, मेडल र प्रमाणपत्र प्राप्त ग¥यो ।
माछापोखरी खेल मैदानमा भएको निकै रोमाञ्चकारी फाइनल खेलमा अक्सफोर्डका तर्फबाट खेम गुरुङ र मिन गुरुङले गोल गरे । पहिलो हाफमा गोल रहित बराबरी भएकोमा दोस्रो हाफमा सम्हालिन नसक्दा रञ्जन मेमोरियलले एकतर्फी दुई गोल व्यहोरेको हो ।
प्रतियोगिताकै सर्वोत्कृष्ट खेलाडी नरेन्द्र मगरले उत्कृष्ट फरवार्डको विधागत उपाधि पनि जिते । यस्तै, उत्कृष्ट गोलरक्षक अञ्जन शाही, उत्कृष्ट डिफेण्डर मदन गुरुङ तथा ५ गोल गरेका खेम गुरुङ हाई स्कोरर बने ।
सेभेन ए साइड फुटबल संघका प्रथम उपाध्यक्ष खेमबहादुर गुरुङ, क्लबका अध्यक्ष बिधान रेग्मी, कार्यक्रम संयोजक लक्ष्मण गुरुङ, सचिव खोबहादुर गुरुङलगायतले विजेता, उपविजेता, उत्कृष्ट खेलाडीहरुलाई पुरस्कार प्रदान गरे । चैत २६ गतेदेखि सञ्चालित प्रतियोगितामा कूल ४० टीमको सहभागिता रहेको थियो ।
सम्बन्धित खबर
पोखरा– १४ मा वडास्तरीय पुरुष भलिबल प्रतियोगिता हुने
माछापुच्छ्रे गाउँपालिका अध्यक्ष कप भलिबल प्रतियोगिता आजदेखि
दोस्रो संस्करणको स्याङ्जा क्रिकेट लिगको उपाधि गल्याङलाई
पत्रकार त्रिभुवन पौडेलको स्मृतिमा फागुन १६ देखि पुम्दीभुम्दीमा त्रिभुवन स्मृति कप हुने
पोखरामा फोहोर संकलन दौड प्रतियोगिता, सौगात र सक्षमको जोडीले जित्यो ५० हजार
हिसान गण्डकी फुटसलको उपाधि गुरुकुल विद्यासदन र इन्फोम्याटिक्सलाई
यो पनि पढौँ
जापानमा पीएचडी गरिरहेका सडक विभागका कर्मचारीको निधन
पोखरा लेकसाइडमा २० औं फेवा महोत्सव हुने
पोखरामा माटोको ढिस्कोले पुरिएर धादिङका बस्नेतको मृत्यु
पोखरामा सशस्त्रको ब्यारेकभित्रै मृत भेटिएकी इन्स्पेक्टर महतको पोष्टमार्टम