नेकपा(एमाले)ले कास्कीका प्रदेशसभाका छ वटै सिटमा पार्टीका उम्मेदवार सिफारिस गरेको छ । एमालेका प्रदेशसभा निर्वाचन समन्वय कमिटीहरुले आकांक्षीहरुको नाम जिल्ला पार्टीमा सिफारिस गरेका हुन् ।नेकपा(एमाले)का संगठन विभाग प्रमुख एवं प्रतिनिधिसभाका सांसद खगराज अधिकारी पनि प्रदेशसभामै सिफारिस भएका छन् ।

नेता अधिकारी कास्की क्षेत्र नम्वर १(१)बाट प्रदेशसभामा सिफारिस भएका हुन् । सो क्षेत्रबाट नेता अधिकारी सहित टिकाराम पंगेनी, विष्णु पुन र तिलकुमारी थापा सिफारिस भए ।

यसैगरी प्रदेशसभा १(२) मा बेदबहादुर गुरुङ, मनबहादुर गुरुङ, रोेमबहादुर कार्की, दिपक तामाङ र इन्दिरा आचार्य सिफारिस भएका छन् ।

यसैगरी, कास्की क्षेत्र नम्बर २ प्रदेश सभा (१) मा भीमबहादुर कार्की, युवराज पौडेल, भेषराज बराल, रश्मि आचार्य, तेजनारायण अधिकारी, विद्याविमल बराल, देवीप्रसाद बराल, महेन्द्र उपाध्याय, प्रकाश पौडेल, तीर्थराज अधिकारी, सुवास ढुंगाना, रघुनाथ भण्डारी, गणेश श्रेष्ठ र अर्जुन गिरीले आकांक्षा राखेका छन् ।

निर्वाचन नम्बर २ प्रदेश सभा (२) मा प्रत्यक्षतर्फ मिनाकुमारी गुरुङ, मिना गुरुङ, सञ्जीवबहादुर कोइराला, परशुराम बराल, जीवन आचार्य, दानबहादुर बानियाँ, बलराम गायक र बलराम आचार्यको नाम सिफारिस भएको पार्टीका सचिव वैनबहादुर अधिकारी क्षेत्रीले जानकारी दिए ।

सचिव अधिकारीका अनुसार कास्की क्षेत्र नम्बर ३ (१) बाट दामोदर वैरागी, लालबहादुर परियार, दीपक पौडेल, नन्दलाल अधिकारी, माधव बास्तोला, राजेन्द्र गौतम, सूर्यप्रसाद लम्साल, केशवशरण पौडेल, दुर्गादत्त पोख्रेल, प्रेमदेवी परियार, शारदाकुमारी पराजुली, यदुनाथ अधिकारी, रमेश कार्की र शोभामोहन पौडेलले आकांक्षा राखेका छन् ।

कास्की क्षेत्र नम्बर ३ (२) बाट राजीव पहारीकाे नाम एकल सिफारिस भएकाे छ । ओम सुवेदी, शिव अधिकारी, दिलीपविक्रम शाही, सन्तोष परियार र संगीता सुवेदीले आकांक्षा देखाएका थिए ।