मुस्ताङको थासाङ गाउँपालिका–२ सानोस्वाँरेस्थित मानापाथी हिमालको फेदीमा दुर्घटनाग्रस्त तारा एअरकाे विमानमा अर्का क्याप्टेन बसन्त लामा पनि सवार थिए । काठमाडौंको बालुवाटार बस्ने लामा तारा एयरको क्याप्टेन हुन् ।
२०७४ मा पनि लामा विमान दुर्घटनामा परेका थिए । हुम्लाको सिमकोटबाट सुर्खेत उडेको तारा एयरको ट्विनटर दुर्घटना हुँदा वसन्त क्याप्टेन थिए । सो दुर्घटनामा लामा र सह–पाइलट अमित गुरुङ घाइते भएका थिए । तर, यसपटक वसन्त तारा एयरको ९ एन–‘एईटी’ ट्विनअटरसँगै अस्ताएका छन् ।
जेठ १५ मा विहान जोमसोम–पोखराको ४ उडान सकेपछि उनले तारा एयरको ९ एन–‘एईटी’ ट्विनअटर आफ्ना सहकर्मी क्याप्टेन प्रभाकर घिमिरेलाई हस्तान्तरण गरेका थिए ।
भोलिपल्ट फेरि उनको उडान भर्ने ड्युटी थियो । आइतबारको छुट्टी मनाउन जोमसोम जाने निर्णय गरेर लामा आफैंले हस्तान्तरण गरेको जहाजमा जोमसोम उडे । तर, विडम्बना पोखराबाट उडेको १२ मिनेटपछि ट्विनअटर दुर्घटना हुँदा क्याप्टेन लामा र प्रभाकर घिमिरे दुवैजनाको पोखरा फर्किने योजना अपुरो भएको छ ।
क्याप्टेन लामाले हस्तान्तरण गरेको जहाज क्याप्टेन प्रभाकर घिमिरेले उडाएका थिए । घिमिरेसँगै लामाको पनि सो उडान अन्तिम भएको छ । वसन्त यति ग्रुपसँग १९९८ देखि आवद्ध भएका हुन् । उनका बुवा पनि नेपाल एयरलाइन्सका क्याप्टेन हुन् ।
सम्बन्धित समाचारः
विमानका क्याप्टेन प्रभाकरः जो हिमाली उडानमा अनुभवी, परिपक्व र प्रशिक्षक पनि हुन्
विमानका को–पाइलट २५ वर्षीय उत्सव रुकुम चौरजहारी क्षेत्रकै पहिलो पाइलट
सम्बन्धित खबर
मुस्ताङमा मोटरसाइकल दुर्घटना हुँदा सुनिलको मृत्यु
चिसो बढेसँगै अपर मुस्ताङको जनजीवन प्रभावित, अधिकांश होटल बन्द
माथिल्लो मुस्ताङ जान विदेशीलाई दैनिक ५० डलर शुल्क लिने सरकारको निर्णय
मुस्ताङ घुम्न गएका तीर्थालुको लेक लागेर मृत्यु
मुस्ताङका उच्च हिमाली पदमार्गमा बुधबारसम्म यात्रा नगर्न प्रशासनको आग्रह
अन्नपूर्ण ट्रेक र मुस्ताङमा पर्यटकको लर्को
यो पनि पढौँ
अटोवेजले भित्र्यायो ‘युरो–६’ लक्जरी बस, स्विफ्ट होलिडेजद्वारा ६ बस सञ्चालनमा [तस्वीरहरू]
यूएईमा इरानको आक्रमणमा परेर एक नेपालीसहित ३ जनाको मृत्यु
मुस्ताङमा मोटरसाइकल दुर्घटना हुँदा सुनिलको मृत्यु
प्रतिभा माविमा साहित्य, कला र संगीतको मेला