पोखरा । कास्कीको पोखरामा चार जना कोरोना संक्रमितको मृत्यु पुष्टि भएको छ ।

स्वास्थ्य निर्देशनालय गण्डकीका अनुसार पोखरास्थित गण्डकी मेडिकल कलेजमा दुई जना, फिस्टेल अस्पतालमा एकजना र मणिपाल अस्पतालमा एक जना कोरोना संक्रमितको मृत्यु भएको हो ।

गण्डकी मेडिकल कलेजमा पोखरा महानगरपालिका–१४ का ७४ वर्षीय पुरूषको मंगलबार बिहान ७ः२५ बजे र पोखरा–१५ का ६७ वर्षीय पुरूषको बुधबार बिहान ४ः२० बजे मृत्यु भएको निर्देशनालयले जनाएको छ । ७४ वर्षीय पुरूषमा मंसिर १७ र ६७ वर्षीय पुरूषमा मंसिर २१ गते कोरोना संक्रमण पुष्टि भएको थियो ।

यस्तै पोखरा महानगरपालिका–१६ की ५९ वर्षीया महिलाको फिस्टेल अस्पतालमा बुधबार बिहान ५ः२० बजे मृत्यु भएको उनले बताए । उनीमा मंसिर १७ गते कोरोना संक्रमण पुष्टि भएको थियो ।

त्यस्तै पोखरा महानगरपालिका-१३ का ७७ वर्षीय पुरुषको मंगलबार राती १:१५ बजे उपचारका क्रममा मणिपाल शिक्षण अस्पतालमा मृत्यु भएको निर्देशनालयले जनाएको छ ।

उनमा गत मङ्सिर २२ गते कोरोना संक्रमण पुष्टि भएको थियो । उनको छातिमा समस्या रहेको थियो ।

यससँगै गण्डकी प्रदेशमा कोरोना संक्रमणबाट मृत्यु हुनेको संख्या १७६ पुगेको छ ।