छिमेकी ९ वर्षकी बालिका बलात्कार गर्ने पोखरा १० रामबजार,  मिलनचोक निबासी ५५ वर्षीय रेस बहादुर गुरुङ स्याङ्जाबाट पक्राउ परेका छन् । उनले छिमेकी नौ वर्षीया बालिकालाई विगत ४-५ महिना अघिदेखि यौन शोषण गर्दै आएको प्रहरीले जानकारी दिएको छ ।

स्याङ्जा बिरुवा गाउँपालिका वडा नं ०७ घर स्थायी घर भएका गुरुङ भुपु भारतीय आर्मी रहेको जिल्ला प्रहरी कार्यालय कास्कीका प्रमुख एसपी जिवनकुमार श्रेष्ठले जानकारी दिए । कास्की प्रहरीको टोलीले स्याङ्जाका प्रहरीसँग समन्वय गरी अभियुक्तलाई स्याङ्जा नै पुगेर पक्राउ गरी पोखरा ल्याएको हो । स्याङ्जा बिरुवा गाउँपालिका वडा नं ०८ टोड्केमा लुकिछिपी बसेको अवस्थामा उनलाई पक्रिएको हो ।

कास्की प्रहरीले जबर्जस्ती करणीको अभियोगमा म्याद थप गरी मुद्दा दायर गरेर कारबाही प्रकृया अगाडि बढाएको जनाएको छ । शुक्रबार नै बालिकाका परिवारले प्रहरीमा किटानी जाहेरी दिएको थियो ।

आरोपित व्यक्ति तत्काल फरार भएका थिए । अभिभावक नभएका बेला गुरुङले बालिकाविरुद्ध यस्ता हर्कत गर्थे । बालिकाका परिवारले बलात्कार गर्ने गरेको थाहा भएपछि कानुनी उपचार खोज्दै जब प्रहरी कहाँ पुग्यो, यसबारे थाहा हुनासाथ उनी पोखराबाट भागेको बताइएको छ ।