पोखरा – गण्डकीमा कोरोना संक्रमितको संख्या २१४४ पुगेको छ ।

स्वास्थ्य निर्देशनालयको सोमबारको पहिलो अद्यावधिक विवरण अनुसार प्रदेशका ४ जिल्लाका ७ जनामा कोरोना संक्रमण पुष्टि भएको हो ।

संक्रमितहरु कास्की, लमजुङ, तनहुँ र गोरखा जिल्लाका छन् ।

क्षयरोग उपचार केन्द्र पोखरामा गरिएको परीक्षणमा पोखरा महानगरपालिका -६ बस्ने ३७ वर्षीय पुरुष, पोखरा ८ का ५५ वर्षीय पुरुष र पोखरा १५ का ५६ वर्षीय पुरुषमा कोरोना पुष्टि भएको निर्देशनालयले जनाएको छ  कन्ट्याक्ट ट्रेसिङमा परी स्वाब दिएका उनीहरुको परीक्षण रिपोर्ट सोमबार पोजेटिभ आएको हो ।

यस्तै लमजुङ बेसीशहर नगरपालिका १० घर भइ हाल पोखराको फेवासिटी अस्पतालमा उपचाररत ७१ वर्षीया बृद्धाको परीक्षण रिपोर्ट पनि पोजेटिभ आएको छ ।

उता तनहुँको भानु नगरपालिका ५ का ४४ वर्षीय पुरुषको रिपोर्ट पोजेटिभ आएको छ भने, भरतपुर अस्पताल चितवनमा गरिएको परीक्षणमा गोरखा जिल्ला १३ घर भएका ३२र् ३६ वर्षीया महिलामा कोरोना पोजेटिभ देखिएको निर्देशनालयका प्रमुख डा विनोद विन्दु शर्माले जानकारी दिए ।

संक्रमित मध्ये गोरखाका २ संक्रमितलाई आइसोलेसन कक्षमा लगिसकिएको छ भने अन्यलाई लैजाने तयारी भैरहेको निर्देशनालयले जनाएको छ  ।