गण्डकी प्रदेशमा विहीबार पोखरामा १ र गण्डकीका ५ जिल्लामा २५ जना कोरोना संक्रमित थपिएका छन् । विहीबार पछिल्लो दुई  विवरण अनुसार २६ जना थपिएका छन् । विहीबार नै पोखरमा एक महिलाको मृत्यु पुष्टि भइसकेको छ ।

गण्डकी प्रदेश स्वास्थ्य निर्देशनालयले  सार्वजनिक गरेको विज्ञप्ति अनुसार पोखरा – १६ का ७६ वर्षीय पुरुषमा कोरोना सक्रमण पुष्टि भएको हो । निर्देशनालयका अनुसार पोखराको स्वास्थ्य विज्ञान प्रतिष्ठानको इमरजेन्सीमा उपचारका लागि आएका वृद्धमा कोरोना देखिएको हो । कोरोना पुष्टि भए सँगै उनलाई आइसोलेसनमा राखिएको निर्देशनालयले जनाएको छ । यो संगै गण्डकी प्रदेशमा कोरोना संक्रमितको संख्या १ हजार ९ सय ७८ पुगेको छ ।

यस्तै, विहीबार संक्रमण पुष्टि हुनेमा पवर्त जिल्ला वडा नं ४ का १ जना ३६  वर्षका पुरुष छन् ।

बाग्लुङमा बुधबार ८ जना कोरोना पुष्टी भएको निर्देशनालयले जनाएको छ । जस्मध्ये वडा नं १ मा २ जना २१ र ३४ वर्षीय पुरुष, वडा नं ३ मा ३ जना १, १९ र २७ वर्षीय महिला, वडा नं ८ मा १ जना २४ वर्षीय पुरुष, वडा नं १० मा १जना २८ वर्षीय पुरुष र वडा नं ६ मा १ जना ३१ वर्षीय पुरुषमा कोरोना पुष्टी भएको निर्देशनालयले जनाएको छ ।

लमजङमा बुधबार ४ जना कारोना पुष्टी भएको निर्देशनालयले जनाएको छ । बेसीशहरमा कार्यरत २ जना २२ र ३७ वर्षीय पुरुषमा पुष्टी भएको निर्देशनालयले जनाएको हो ।

तनहूँ मा ९ जना कोरोना सङक्रमित पुष्टि भएको गण्डकी निर्देशनालयले जनाएको छ । तनहुँ म्याग्देमा गरिएको परिक्षमा वडा नं २ का ३४ र ६२ वर्षीय पुरुष, वडा नं ६ का २ जना ५८ र ५३ वर्षीय महिला, वडा नं ७ का ४ जना ३५,१ र ३७ वर्षीय पुरुष र १ जना ३१ वर्षीय महिलामा कोरोना पुष्टी भएको निर्देशनालयले जनाएको छ ।

यस्तै नवलपरासीमा ३ जनामा कोरोना पुष्टी भएको स्वास्थ्य निर्देशनालयले जनाएको छ । मध्यविन्दु वडा नं १० का २ जना ४० र ५० वर्षीय पुरुष र वडा नं ५गैँडाका १ जना ३५ वर्षीय पुरुषमा कोरोना पुष्टी भएको निर्देशनालयले जनाएको हो ।