पोखरामा रगत अभावः दाह्री ग्याङले गर्यो आकस्मिक रक्तदान, १३६ युनिट रगत संकलन (फोटो फिचर)

गण्डक न्यूज शनिबार, १ चैत्र २०७६

१ चैत्र २०७६

आशिष पुरी । कोरोना भाइरस (कोभिड १९) संक्रमण बढेसँगै पोखरामा समेत रगतको अभाव भएको छ । यसलाई मध्येनजर गर्दै पोखरामा सक्रिय दाह्री ग्याङका मेम्बरहरुले रक्तदान कार्यक्रम सम्पन्न गरेको छ।

अवस्था लम्बिए अब रक्त संचार केन्द्र, पोखरामा रगतको हाहाकार हुने अवस्था हुने जनाइएको छ । दाह्री ग्याङ र नेपाल रेडक्रस सोसाइटी कास्कीको संयुक्त आयोजनामा भएको रक्तदान कार्यक्रममा १३६ युनिट रगत संकलन भएको दाह्री ग्याङका संस्थापक संयोजक शेखर गौतमले जनाए ।

रगतको अभावसँगै नेपाल रेडक्रस सोसाइटी कास्कीले विगतमा झैं रक्तदान गर्न र रक्तदानका कार्यक्रम आयोजना गर्न सामाजिक संघसंस्थालाई अपील गरेको छ । पोखरामा दाह्री ग्याङ स्थापना भएपछि यो पाँचौ रक्तदान कार्यक्रम रहेको दाह्री ग्याङका संयोजक बसन्त पहारीले जनाए ।