पोखरा । पोखराको फुस्रे खोलामा पौडी खेल्ने क्रममा डुबेर एक युवतीको मृत्यु भएको छ । पोखरा महानगर २२ को खाल्से चिसापानीको फुस्रे खोलामा पौडी खेल्ने क्रममा डुबेर काभ्रेकोे धुलिखेल नगरपालिकाकी २५ वर्षीया अनु भण्डारीको ज्यान गएको वडा प्रहरी कार्यालय बैदामका डिएसपी कोमल शाहले पुष्टि गरे ।
घुम्नका लागि अनुसहित करिब १० जनाको टोली भक्तपुरबाट पोखरा आएको डिएसपी शाहले बताए । ‘१० जनाको टोली पोखरा आएको भन्ने बुझिएको छ, हामीले अनुसन्धान गरिरहेका छौं,’ उनले भने । मृतक भण्डारीसहित उनका केही साथी मंगलबार दिउँसो १ बजे पौडी खेल्न खोलामा पुगेका थिए । पोखरा घुम्न आएकी भण्डारी डुबेर बेपत्ता भएको खबर पाउना साथ प्रहरी खटिएको थियो । तर उनको सकुशल उद्धार भने हुन सकेन ।
यस्तै, पौडी खेल्ने क्रममै डुबेकी अर्की एक युवती भने बच्न सफल भएकी छन् । भण्डारीसँगै आएकी पनौती नगरपालिकाकी २५ वर्षीया भावना बस्नेतको भने उद्धार गरिएको छ । प्रहरीका अनुसार पौडी खेल्न नजानेका उनीहरु सबै खोलामा पसेका थिए । केहीबेर छेउमा पौडिएपछि गहिरो भाग तर्फ पुग्दा उनीहरु डुबेका थिए । डुबेपछि अनु र भावनालाई उनका अरु साथीले बचाउने प्रयास गरे ।
भावनाको साथीहरुले उनको हात समातेर बचाए । अनु भने खोलामा रहेको जालीमा अड्किएकी थिइन् । पछि प्रहरीले अनुलाई खोलाबाट निकालेको थियो । उनको शव अहिले पोष्टमार्टमका लागि पोखरा स्वास्थ्य विज्ञान प्रतिष्ठानमा राखिएको छ । यस्तै, बस्नेतको अहिले पोखरा १७ बिरौटास्थित नमस्ते अस्पतालमा उपचार भइरहेको छ । उनको अवस्था सामान्य रहेको अस्पताल स्रोतले जनाएको छ ।
तस्विर: लिलाधर पौडेल
न्यूजः अनुप पौडेल बिगखबर डटकम
सम्बन्धित खबर
स्थानीय तह निर्वाचनको घोषणाको तयारी, आयोगले दियो चैत ५ को डेडलाइन
सिक्लेसमा पर्यटकको ओइरो, एकैदिन १ हजार ३८४ पर्यटक पुगे
पोखरामा जिपमा स्कुटर ठोक्किँदा दुई युवाको ज्यान गयो
पोखरामा विदेशी पर्यटकले लगाए भाइटीका
पोखरामा अन्तर्राष्ट्रिय सुरक्षा तथा आत्मरक्षा तालिम सम्पन्न, गोर्खा गार्डलाई सीईबीएको मान्यता
सरुभक्त राष्ट्रिय बालप्रतिभा पुरस्कारबाट बाल सामाजिक अभियन्ता प्रेन्सा रेग्मी सम्मानित
यो पनि पढौँ
पोखराका विवेक थापा: चलचित्रप्रतिको मोहले व्यवसायीबाट बने फिल्म निर्माता
पोखरामा जिपमा स्कुटर ठोक्किँदा दुई युवाको ज्यान गयो
सिक्लेसमा पर्यटकको ओइरो, एकैदिन १ हजार ३८४ पर्यटक पुगे
भीमफेदी माइक्रो दुर्घटना अपडेट: मृत्यु हुने १४ जनाकै सनाखत, एउटै गाउँका छिमेकी र आफन्त परे