पोखरा । पोखराको दुई ठाउँमा आज सडक भासिएको छ । पोखरा १, मोहोरिया टोल र नयाँ एयरपोर्ट नजिकैबाट फलेपाटन जाने सडकमै भ्वाङ परेको हो । यसअघि, व्यस्त चोक चिप्लेढुंगामै सडक भासिएको थियो । पोखरामा ठाउँठाउँमा यस्तो समस्या देखिरहेको छ ।

पोखरा–१ विन्ध्यवासिनी नजिक रहेको मोहोरिया टोलमा बिहान ११ बजेतिर सडक भासियो । गुडिरहेको मोटरसाइकल पछाडिको टायर तल भासिँदै गएपछि केहि समयमा प्वाल परेको हो । त्यसपछि स्थानीयले स्थानीयले प्रहरी, महानगर र खानेपानी संस्थालाई जानकारी गराएका थिए । सूचना प्राप्त गरेपछि पुगेको ईञ्जिनियर टोलीले हेर्दा भित्र ठूलो क्षेत्र खाली रहेको पाएका थिए ।

https://www.facebook.com/gandaknews/videos/2346837405577231/

सडक माथि करिब आधा मिटर क्षेत्रमा प्वाल देखिएको थिए । डोजर ल्याएर भासिएको खाडल खन्दा पुरानो खानेपानीको पाइपबाट पानी लिक भएको र पानीकै कारण भासिएको स्थानीयले बताएका छन् । भासिएको सडक हेर्न सर्वसाधारणको भिड लागेको थियो । डोजरले खनि माटो ल्याइ पुरेका स्थानीयले बताए ।

यस्तै, पोखरामा नयाँ बन्दै गरेको क्षेत्रीय अन्तर्राष्ट्रिय विमानस्थल नजिकैबाट फलेपाटन जाने सडक पनि भासिएको छ । आज विहीबार दिउँसो ३ बजेतिर भासिएको स्थानीयले जनाएका छन् । पोखरामा जमिन भासिएपनि कुनै मानवीय क्षति भने भएको छैन । बाटो भासिएर सुरुङ बनेको छ । हेर्ने मान्छेको भिड लागेको थियो ।

https://www.facebook.com/gandaknews/videos/1338887272927124/

पोखराको चिप्लेढुङ्गामा जेठ ३२ गते सडक भासिएको थियो ।

http://gandaknews.com/chipledhunga-2/

http://gandaknews.com/pokhara-bwang/